MWONO WA AKWA-KRISTU
Kusolola Ndako Jipema ku Yikolo ya Atu
Akwa-Kristu kali ‘yitala kuli akwa hashi.’ (1Kori. 4:9) Kashika, kutwatambile kukomoka hakwivwa ngwo atu amwe kakututalila ha kapenda hanji kutupanjikila kunyima lia pito. Mazuwo amwe kakupwa ni makina akutalilamo atu ni akuhanjikila, hanga mwenya-zuwo ahase kutala, kuhanjika hanji kukopa mutu yoze anahanjika nenyi. Tutalenu jila jize mutuhasa kusolwelamo ndako jipema muze tuli ku yikolo ya atu.—2Kori. 6:3.
YITANGA YETU (Fwili. 1:27):
Twatamba kuvumbika mukwa-zuwo ha kwehuka kunonoka mu zuwo lienyi. Nawa twatambile kulia, kunwa hanji kuneha zungo chipwe kuhanjika hanji kutuma maliji ha telefone muze tunamana ku chikolo chambala
HANJIKISHI YETU (Efwe. 4:29):
Muze tuli ku chikolo cha mutu, kanda tuhanjika yuma yize kutwazangile ayivwe kuli mwenya-zuwo. Akwa-kwambujola amwe muze akumona ngwo haheta ku zuwo lia mutu kakulitwamina kuhanjika yuma yize te anambe hanga anyonge chitangu ha yize anazange kwamba