“Kuhana Mulambu Kuli Yehova”

Musono kuchi mutuhasa ‘kuhana milambu kuli Yehova ni mbunge yeswe’? (1Sg 29:5, 9, 14) Mushi muli mutapu wa chize mutuhasa kuhana milambu, hanga tukwase mulimo uze Yela ja Yehova akulinga mu mbonge yetu ni hashi heswe.

MILAMBU YIZE TWAKUHANA KUPALIKILA HA INTERNET HANJI MU MISHITE YA MILAMBU YAKUKWASA HA:

• 

  MULIMO WA HASHI HESWE

  kutunga mitangu ni mazuwo akwo, ngwe mazuwo a kulumbunwina mikanda (RTO)

  shikola ja milimo ya Zambi

  akwa-kukalakala mulimo walipwila wa shimbu lieswe

  mandumbu waze ali mu luyinda

  kufwambwisa mikanda, kukopa yinema, ni kusa mikanda ha site yetu

• 

  MILAMBU YAKUKWASA NAYO CHIKUNGULWILA

  milambu yakukwasa nayo chikungulwila, kakuyizachisa hanga alande yikwata ni yuma yikwo ya kululieka nacho Zuwo lia Wanangana

  mandumbu a mu chikungulwila kakutesa jimwe mbongo jize akutuma ku mutangu hanga:

  • atunge najo Mazuwo a Wanangana ni Mazuwo a Kukunguluka cha Mbonge ni Mambonge a hashi heswe

  • ajihane mu Ululikiso wa kukwasa mandumbu a Hashi Heswe

  • akwase milimo yikwo ya hashi heswe

KUKUNGULUKA CHA MBONGE NI MAMBONGE

Milambu yize akuhana ku kukunguluka cha mambonge kakuyituma hanga akwase nayo mulimo wa hashi heswe. Chikwo nawa, mbongo jino je akululieka najo kukunguluka cha mambonge, chalipwila, ni cha yifuchi, chize akulinga hashi heswe.

Milambu yize akuhana, kakuyizachisa nawa hanga afwete, ni kulanda yikwata ya kukunguluka cha mbonge ni yuma yikwo yize yinafupiwa. Mandumbu a mbonge yacho mahasa kukwata chiyulo cha kulambula mbongo jize jakusalaho hanga akwase najo mulimo uze Yela ja Yehova akulinga hashi heswe.