Kuwahisa Uhashi Wetu wa Kwambujola—Kwecha Kulilongesa ni Longi wa Mbimbiliya Yoze Keshi Kusenya Kulutwe

MUMU LIAKA CHILI CHILEMU: Atu katamba kuvuluka ha jina lia Yehova mba akaalamwine. (Ro 10:13, 14) Chipwe chocho, atu amwe waze akulilongesa Mbimbiliya keshi kuzanga kukaula shimbi ja Yehova. Twakuzachisa kanawa mashimbu jetu mu munda tukwase waze anazange kwalumuna mwono wo hanga alingile Yehova. Nyi longi wa Mbimbiliya kaso kulikolweza mu ufulielo chipwe ngwe hitwalilongesa nenyi ha miaka yinji, chili chipema kulitwamina kuyako hanga tuzachise mashimbu jacho tukwase waze Yehova anakoka kuli iye, ni mu ululikiso wenyi. (Yo 6:44) Nyi kulutwe lia matangwa mutu wacho masolola ngwo halumuna yitanga yenyi, nawa kanazange “mwono wa mutolo,” mutuhasa kulilongesa nenyi Mbimbiliya cheka.—Yi 13:48.

CHIZE TWATAMBA KULINGA:

• Kolweza longi hanga apwe ni chinyingi chamwenemwene.—1Ti 2:4

• Shindakenya ha ulemu wa kukaula yize akulilongesa.—Lu 6:46-49

• Shimutwina nenyi chishima cha Yesu cha chikuwa mbuto, nawa muhule hanga alumbunune yize yakumukwika kusenya kulutwe.—Mat 13:18-23

• Mulweze ni vumbi lieswe mumu liaka unalitwamina kumulongesa Mbimbiliya

• Mulweze ngwe ha mashimbu amwe mwiza ni kumumeneka hanga umukolweze, alioze nyi iye mwene mazanga mahasa kulilongesa cheka kulutwe lia matangwa

TALENU CHINEMA, MBA NUKUMBULULE YIHULA YINO:

• Yika twamona yize yinasolola ngwo, longi te keshi kusenya kulutwe mu ufulielo?

• Kuchi mukwa-kwambujola akwasa longi hanga anyingike ngwenyi katamba kulikolweza?

• Kuchi mukwa-kwambujola asolola ngwenyi, kulutwe lia matangwa nyi longi mazanga mahasa kulilongesa cheka Mbimbiliya?