Aya Mungukasanyika?

Hita mwaka twakusa tachi tusanyike atu mu ngiza yetu hanga eze ha Chiwanyino cha Kwiwuluka Kufwa cha Yesu. Shimbu tusanyike wika atu waze atwama mu ngiza yetu, twatamba nawa kusanyika atu waze twanyingika alioze katwama kweka. Chakupwa chashi mutu eze ha Chiwanyino cha Kwiwuluka Kufwa cha Yesu nyi mamusanyika kuli ndumbu yoze anyingika. (yb08 11 ¶3; 14 ¶1) Atu aka waze muhasa kusanyika?

• Asoko je

• Waze wakalakala no hanji alongi-ni-akwenu

• Enyembo je

• Alongi je a Mbimbiliya, ni waze wa kumeneka

Chikwo nawa, makulwana amu chikungulwila masanyika mandumbu waze hanazeye ku ufulielo. Mba nyi mutu yoze unazange kusanyika katwama kweka? Muhasa kuwana chihela ni ola ya Chiwanyino ha site jw.org ha chikuma SANGO JA YETU hanga umulweze akayeko. Muze unalulieka chiwanyino cha mwaka uno, nyonga hali waze muhasa kusanyika, nawa sako tachi hanga waasanyike.