LIKOLWEZE CHINJI MU MUNDA | WAHILILA MU MULIMO WA KWAMBUJOLA
Kwata ku Mbunge
Twatamba kwononokena Zambi ni mbunge yeswe. (Yis 3:1) Kashika, muze tunalongesa twatamba kusa tachi hanga tukwate ku mbunge ya waze anatupanjika. Kuchi mutuhasa kuchilinga?
Kanda ulongesa wika longi ye wa Mbimbiliya umwenemwene, alioze mukwase hanga amone chize muumukwasa ku mwono wenyi ni kupwa ni usepa ni Yehova. Mukwase hanga anyingike chize shimbi ja mu Mbimbiliya jakusolola zango lia Zambi, upeme ni ululi wenyi. Muhule ni zango lieswe hanga akulweze chize akwivwa ha yize analilongesa. Mukwase hanga anyonge chize mwono wenyi muupema nyi mecha ndako jipi. Muze mumona zango lize longi ye ali nalio hali Yehova, muwahilila chinji mu mulimo wa kwambujola.
SOLOLA CHINEMA, WAHILILA HA KUTAYISA TUMBAJI—WAHISA UTOTOMBO WE HA KWAMBUJOLA—KWATA KU MBUNGE, MBA NUKUMBULULE YIHULA YINO:
Mumu liaka Neeta ahula Jade ngwenyi: “Shina uli ni yimwe hakutwala ku yize twalilongesanga Liakasoka?”
Kuchi Neeta akwasa Jade hanga anyingike chize shimbi ja mu Mbimbiliya jakusolola zango lia Yehova hali iye?
Nyi mutukwata ku mbunge ya longi wetu, chino muchimukolweza hanga akole ku ufulielo
Kuchi Neeta akwasa Jade hanga alumbunune chize mahasa kusolola zango lienyi hali Zambi?