Lemesa Makulwana ja Mapwo Ngwe Amama, Akweze a Mapwo Ngwe Mapangi

Mbimbiliya yinatukolweza hanga tupwe ni kumona makulwana ja mapwo akwa-Kristu ngwe amama hanji yisemi jetu, ni akweze a mapwo ngwe mapangi jetu. (Tanga 1 Timoteu 5:1, 2.) Chipi-chipi mandumbu a malunga katamba kulemesa chinji mandumbu a mapwo ni kwavumbika.

Mandumbu a malunga katambile kutenya-tenya hanji kulinga chuma chize muchihasa kupinjisa umwe ndumbu wa pwo. (Yom 31:1) Ndumbu wa lunga yoze twamishi, katambile kulinga yuma yize muyisolola ngwe kali ni zango lia ulo hali umwe pangi yoze iye kazangile kumbata.

Muze mapangi anahula ni vumbi yimwe yuma hanji muze anafupu ukwaso ha chimwe chikuma, makulwana a mu chikungulwila katamba kwalemesa. Makulwana katamba kulihulumba chinji hali mapangi waze keshi malunga.—Ru 2:8, 9.

SOLOLA CHINEMA CHINAMBE NGWO, SOLOLA ZANGO LIZE KULISHI KUHWA MU CHIKUNGULWILA—KULI TULIWA NI ANA-SHIWA, MBA NUKUMBULULE YIHULA YINO:

• 

  Kuchi mandumbu a mu chikungulwila asolwele zango liamwenemwene hali pangi Myint?

• 

  Kuchi zango lize mandumbu a mu chikungulwila asolwele liahanyine uchela kuli atu mu chihunda?

• 

  Kuchi zango lize mandumbu a mu chikungulwila asolwele liakwachile hali ana ja pangi Myint?

Yuma yika muhasa kulinga hanga usolole ngwo wakulihulumba hali mapangi a mu chikungulwila chenu?