Yeseko Yeswe Yili ni Songo

Yeseko muyihasa kutukokolola, chipi-chipi ni yinashimbula chinji. Ndawichi kanyingikine ngwenyi, yeseko yize anamunehena kuli Mwanangana Saulu te muyihwa, nawa te mapwa mwanangana ngwe chize Yehova alakenyene. (1Sa 16:13) Ufulielo wakwashile Ndawichi kulihumikiza ni kushimbwila kuli Yehova.

Muze tunapalika mu yeseko, mutuhasa kunyonga ngwetu twatamba kuzachisa mana, chinyingi, hanji utotombo wetu hanga tuhwise kapinda wetu. (1Sa 21:12-14; Yis 1:4) Alioze, kapinda umwe mahasa kununga chipwe ngwe mutulinga yeswayo mutuhasa kulita ni shimbi ja mu Mbimbiliya. Ha chikuma ngwe chino, twatamba kulihumikiza ni kushimbwila muli Yehova. Kwasala hakehe hanga iye ahwise lamba lietu lieswe ni kukusumuna “masoji eswe ku meso” jetu. (Uso 21:4) Chipwe ngwe ukwaso wetu wakwiza kuli Yehova hanji kweswako, alioze tuli ni shindakenyo ngwetu: Yeseko yeswe yili ni songo. Kunyingika chino, muchihasa kututakamisa.

SOLOLA CHINEMA, ATU JA YEHOVA KALINUNGA MU CHIFUCHI CHINO CHALIHANDUNUNA, MBA NUKUMBULULE YIHULA YINO:

• Kapinda muka apalikile amwe akwa-Kristu a ku uto ya Estados Unidos?

• Kuchi ayo alihumikijine ni kusolola zango?

• Kuchi ayo anungine ni kulihulikila ha “yuma yahiana kupema”?—Fwp 1:10