Wana Mana ha Kunjila Matangwa Eswe mu JW.ORG

Liji lia Zambi lia kutukwasa hanga tukumbe yipikalo ya ha matangwa wano a kusula akalu. (2Ti 3:1, 16, 17) Chipwe chocho, ha mashimbu amwe mutuhasa kufupa ukwaso wa kuwana shimbi ja mu Mbimbiliya jize jinatale ha chimwe chikuma. Chakutalilaho, shina uli chisemi yoze unafupu chiyulo cha chize mufumba kanawa ana je? Shina uli mukweze yoze unapalika mu yuma yize yineseka ufulielo we? Kutala uli tuliwa yoze unanenganyana mumu lia kufwisa yoze walimbata nenyi? Yena muwana sango ha site jw.org jize mujikusongwela kuwana shimbi ja mu Mbimbiliya jize mujikukwasa hakutwala ku yikuma yino ni yikuma yikwo nawa.—Yis 2:3-6.

Ha lifwo litangu lia jw.org. Sakula chikuma MALONGESO A MBIMBILIYA. (Tala chizulie 1) Ha yikuma yize yiliho sakula chikuma chize unazange. Hanji sakula UTULIKILO WA MIKANDA HA INTERNET > YIKUMA. (Tala chizulie 2.) Yena muhasa kuwana yikuma yacho ha JW Library^®.a Muhasa kunjila hanga utange yikuma yeswayo ha yihela yino. Jila yikwo yili kuzachisa jw.org.

Soneka yikuma yino ha chihela cha kufupila nawa soneka yikuma yize unazange kutanga.

• Kulela ana

• Kulema ku mbunge cha akweze

• Kufwisa yoze twalimbata nenyi