Lilulieke Haliapwila ha Yize Yakulingiwa Susumuku

Mumu liaka twatamba kulilulieka? Misongo yakulingiwa susumuku, muyihasa kulingiwa chakuhona kulianga kunyingika. Kashika lilulieke haliapwila hanga unyingike yuma yize watamba kulinga nawa muyikukwasa kutambula kanawa uwukiso kuli mandotolo. Nyi wachilinga, musolola ngwo wakuvumbika mwono ni shimbi ya Yehova hakutwala ku manyinga.—Yi 15:28, 29.

Yika muhasa kulinga mba ulilulieke?

• Soneka kanawa kamukanda kaze kanatale ha manyinga (DPA) ni kulemba.a Mandumbu waze hanaapapachisa mahasa kutambula kamukanda kacho kuli kavumbi yoze wakutala ha mikanda, chikwo nawa yisemi no mahasa kutambwila ana jo Kartau (ic) yoze unatale ha manyinga

• Nyi uli kafumba, eta kuli Sango jize Jinahanjika hali Amama Tufumba (S-401). Mukanda uno, muukukwasa makulwana kukwata yiyulo yipema hakutwala ku yikuma ya ku shipitali yize muyihasa kusoloka ha mashimbu waze uli kafumba ni muze unambe kushita

• Nyi mufupiwa uwukiso uze unatale ku manyinga, hanji uwukiso ukwo wa ku shipitali, lweza makulwana a mu chikungulwila chize unevu nawa ni mandotolo ngwo amwe Yela ja Yehova meza hanga akumeneke

Kuchi makulwana a mu chikungulwila mahasa kukwasa? Ayo mahasa kukukwasa nyi musoneka ha kartau (DPA). Alioze makulwana a mu chikungulwila kechi kukukwachila yiyulo hakutwala ku uwukiso hanji kuhana manyonga jo hakutwala ku chikuma chino. (Ro 14:12; Nga 6:5) Muze mulweza makulwana a mu chikungulwila ngwo unapalika mu kapinda wa uwukiso uze unatale ha manyinga, ayo kawashi-washi mahanjika ni mandumbu waze anatale ku chipatulo cha Comissões de Ligação com Hospitais (HLC) hanga ahanjike mu jina lie.

Kuchi chipatulo cha HLC muchihasa kukukwasa? Mandumbu a ku chipatulo cha HLC, kakwafumba hanga akwase mandotolo anyingike chize twakunyonga hakutwala ku manyinga. Ayo nawa mahasa kuhanjika ni mandotolo hakutwala ku majila eka akwehukilamo kutambula manyinga. Nyi muchifupiwa, mahasa nawa kukukwasa kuwana umwe ndotolo yoze mahasa kukuwuka chakuhona manyinga.

SOLOLA CHINEMA, CHIZE MUHASA KUKWATA YIYULO YA UWUKISO-YINATALE HA MANYINGA, MBA NUKUMBULULE YIHULA YINO:

• Yika walilongesa ha chinema chino yize muyikukwasa kulilulieka shimbu kanda uchipwa ni musongo uze mufupiwa manyinga?

  Your answer