MWONO WA AKWA-KRISTU
Nyingikenu Manyonga ja Zambi
Tunazange kwivwisa Yehova kuwaha ha yuma yeswe yize twakulinga. (Yis 27:11) Kashika, twatamba kukwata yiyulo yize muyisolola manyonga ja Zambi, chipwe muze kukushi shimbi niyimwe yize muyitusongwela. Yika muyitukwasa mba tuchilinge?
Nunga ni kulinga longeso lia Mbimbiliya. Muze twakununga ni kutanga Mbimbiliya, chakupwa ngwe tunapalikisa mashimbu ni Yehova. Mutuhasa kulilongesa ha mutapu uze Yehova akunyonga ni chize afungile atu jenyi ha kuhengwola yilweza ya waze alingile yuma yipema ni yipi kumeso jenyi. Muze mutufupiwa kukwata chimwe chiyulo, spiritu yisandu muyihasa kutwiwulula yikuma yilemu ni shimbi jize twakulilongesa mu Liji lia Zambi.—Yo 14:26.
Hengwola. Nyi unambe kukwata chimwe chiyulo, lihule ngwe: ‘Versu jika hanji sango ja mu Mbimbiliya jize mujihasa kungukwasa kunyingika chize Yehova akwivwa hakutwala ha chikuma chino?’ Lemba hanga wite ukwaso kuli Yehova ni kuzachisa yikwata ya kuhengwola nayo ya mu ululikiso wetu yize yili mu limi lie hanga yikukwase kuwana yize unafupu. Chikwo nawa, sako mu yitanga shimbi ja mu Mbimbiliya jinatale ha chikuma chacho.—Sam 25:4.
SOLOLA CHINEMA, TWATAMBA ‘KUZOMBOKA NI KUNYONGONONA’—HA KULIA YAKULIA YIPEMA, MBA NUKUMBULULE YIHULA YINO:
Kulita ni chinema, yeseko yika pangi apalikile?
Kuchi muhasa kuzachisa kanawa yikwata ya kuhengwola nayo hanga yikukwase muze ni yena mupalika mu yeseko ya mutapu au?
Mumu liaka chili chipema kupalikisa mashimbu ha kuhengwola ni kulinga longeso lia wika lize mulitukwasa hanga tukwate yiyulo yipema?—Hep 5:13, 14