Zachisa Lifwo Litangu Lia Site JW.ORG Muze Unambujola

Lifwo litangu lia site yetu, liakusolola yikuma ni yinema yize alingile hanga yikwase atu waze hi Yela ja Yehova ko. (Yi 13:48) Ha yisuho yinji yakuhanjika ha sango ja yuma yize yinalingiwa mu chifuchi hanji ha sango jize jinalitande hashi heswe.

Kuchi muhasa kuzachisa lifwo litangu lia site jw.org muze unambujola?

• Njila mu site mashimbu eswe. Pwako ni kutala yuma yaha yize akusamo ni kufupa kunyingika chize muyizachisa ni mutu yoze unazange kunyingika umwenemwene. (Mba uwane chikuma chikwo chaha chize hasa ha lifwo litangu, pola ha chikuma chinambe ngwo, “Tala Yikwo.”) Kupwa ni chako cha kutala yuma yaha mu site, muchikukwasa kuwana majila a kwambujola kanawa.

• Zachisa yikuma ni yinema yize yakusoloka ha lifwo litangu muze muhanjika ni atu. Yikuma yize twakuwana ha lifwo litangu liakutukwasa kupwa ni manyonga ja atu waze twakuwana mu munda.

• Solola lifwo litangu kuli atu. Solola yikuma yilemu yize yilimo ni chize mutu mahasa kufupa yuma mu site.

• Tuma yimwe link. Atu amwe keshi kuzanga kuhanjika ni yetu, alioze kakuzanga kunjila mu site yetu. Hachino, kanda ulitwamina kwatumina link yize muyakwasa kunjila ha lifwo litangu, kutanga mukanda umwe hanji kutala chimwe chinema chize asa mu site yetu.