Maliji a Mwishi Lia Lifwo

a Mukanda avuluka ngwo Técnicas Modernas em Banco de Sangue e Transfusão, wa Dra. Denise M. Harmening, unambe ngwo, mweji yoze wapwile kafumba, yoze amusele manyinga hanji yoze amulingile transplante, kulutwe mahasa kupwa ni kapinda munene nyi ngwe mamusa manyinga. Mumu chino chakupihisa glóbulos vermelhos ja mweji. Ha yikuma ngwe yino, muze mutu akumupima shimbu kanda achimusa manyinga, kupima chacho kuchishi kusolola nyi mutu mahasa kupwa ni umwe kapinda. Umwe mukanda avuluka ngwo, Dailey’s Notes on Blood (Notas sobre o Sangue, de Dailey), wakwamba ngwo, kupiha cha glóbulos vermelhos muchihasa kulingiwa chipwe ngwe mutu matambula ndambu ya manyinga waze kalitele. Muze njiso jakuhona kukalakala kanawa, ulembe wakulitanda hakehe-hakehe mu mujimba wa mutu mumu njiso kujishi kuhasa nawa kuchiza yuma yipi yize yili mu manyinga.