Upale wa Zambi Uka Hali Atu?

Mbimbiliya yakwamba ngwo, mwono wa atu wapwa wa “matangwa akepe, a too ni lamba.” (Yombi 14:1) Shina au we mwono uze Zambi anazange hanga tupwe nawo? Nyi ka, mba upale wa Zambi uka hali atu? Shina upale wacho muukamanunuka lume? Tala makumbululo a utakamiso mu Mbimbiliya.

1. Mwono uka Yehova anazange hanga tupwe nawo?

Yehova kanazange hanga tupwe ni mwono upema. Muze atangile atu atangu Alama ni Eva, yaasa mu yimwe paraisu yipema, munda wa Endene. Mba “Zambi yaawahisa. Zambi yamba kuli ayo ngwenyi, Semenu nukaliokese, nukazalise hashi, ni kuyulaho.” (Uputukilo 1:28) Yehova kazangile hanga o apwe ni ana, kupwisa hashi heswe paraisu ni kufunga tushitu. Upale wenyi wapwile te atu eswe atwame hashi ni mwono ungunu.

Chipwe ngwe yuma kuyalingiwile ngwe chize Yehova azangile,a nihindu upale wenyi kuwalumukine. (Izaia 46:10, 11) Ndo musono, Yehova kanazange hanga atu waze akumwononokena akatwame ku miaka yeswe.—Tanga Usolwelo 21:3, 4.

2. Kuchi mutuhasa kupwa ni uwahililo ku mwono haliapwila?

Yehova katutangile hanga apwe ni kutusongwela. Kashika twakuzanga kumunyingika ni kumuwayila. (Tanga Mateu 4:4; 5:3-6.) Iye kanazange tupwe masepa jenyi, “kwenda mu majila jenyi eswe, nikumuzanga,” ni kumulingila ni ‘mbunge jetu jeswe.’ (Shimbi Yamuchiali 10:12; Samu 25:14) Nyi twachilinga, mutupwa ni uwahililo wamwenemwene chipwe muze mutupinda ku mwono. Muze twakuwayila Yehova, twakuwahilila ku mwono mumu tunanyingika ngwetu tunalingi yuma yize Yehova akuzanga.

3. Yehova kanazange hanga atu apwe ni mwono upema

Tala CHINEMA, mba nushimutwine chihula chinahateho.

CHINEMA: Mumu Liaka Zambi Atangile Hashi?—Chihanda Chikehe (1:41)

• Mumu liaka Zambi atangile hashi hapema chize?

Tanga Chilumbununyi 3:11, mba nushimutwine chihula chino:

• Yika chisoneko chino chinakulongesa hali Yehova?

4. Upale wa Zambi kuwalumukine

Tanga Samu 37:11, 29 ni Izaia 55:11, mba nushimutwine chihula chino:

• Kuchi tunanyingika ngwetu upale wa Zambi kuwalumukine?

5. Kuwayila Yehova chakuneha uwahililo wamwenemwene

CHINEMA: Nanyingika Ulemu wa Mwono (5:03)

• Kuchi Terumi ayukile ha kunyingika ulemu wa mwono?

Tanga Chilumbununyi 12:13, mba nushimutwine chihula chino:

• Yehova kakutulingila yuma yinji, mba kuchi mutuhasa kusakwilila ha yuma yacho?

YIZE WALILONGESA

Yehova kanazange hanga tuwahilile ku mwono matangwa eswe hano hashi. Nyi twawayila Yehova ni mbunge yetu yeswe, mutuwahilila chinji ku mwono haliapwila.

Kuhitulula

• Mumu liaka Yehova atangile Alama ni Eva?

• Kuchi tunanyingika ngwetu upale wa Yehova hali atu kuwalumukine?

• Kuchi muhasa kunyingika ulemu wa mwono?

HENGWOLA NAWA

Lilongese hanga unyingike mumu liaka tuli ni shindakenyo ngwetu munda wa Endene wapwileko lume.

“Shina Munda wa Endene Wapwile Chihela Chitangu Cha Atu?” (Kaposhi wa Kutalila 1 wa Janeiro, 2011)

Nyingika mumu liaka mutuhasa kupwa ni shindakenyo ngwetu hashi muhanunga ha mutolo.

“Shina Hashi Makanongesaho?” (Lusango wa ha internet)

Nyingika yuma yize Mbimbiliya yakwamba hakutwala ku yize Zambi atangilile mwono.

“Mumu liaka Zambi atutangile?” (Lusango wa ha internet)

Tala lusango wa umwe lunga yoze te wakunyonga ngwe kali ni yuma yeswe ku mwono, alioze chuma chimuwika te chinamuhono.

Haliapwila Nguli ni Mwono Wamwenemwene (3:55)