3. Nyingika umwenemwene hakutwala kuli afu

Hashi heswe, atu kakufuliela ha malongeso alisa hakutwala ku yize yakulingiwa muze mutu akufwa. Alioze malongeso jacho, amwe kali a mahuza.

• Ku chihela kuze watwama, yuma yika yize atu akufuliela chinji hakutwala kuli afu?

CHINEMA: Yika Yakulingiwa Kuli Mutu Nyi Mafwa?—Chinema chikehe (1:19)

Tanga Chilumbununyi 3:20, mba nushimutwine yihula yino:

• Kulita ni versu yino, yika yakulingiwa kuli mutu nyi mafwa?

• Shina kuli chuma chimwe chize chakununga ni mwono muze mutu akufwa?

Mbimbiliya yakuhanjika hakutwala ku kufwa cha Lazaru, sepa lia Yesu. Muze mutanga Yoano 11:11-14, tala yize Yesu ambile hakutwala kuli Lazaru, mba nushimutwine yihula yino:

• Ni yika Yesu atesele kufwa?

• Kuchi chino chinatukwase kunyingika yize yakulingiwa kuli mutu nyi hafwa?

• Kuchi wakwivwa ha yize Mbimbiliya yakwamba hakutwala ku kufwa?

4. Yesu kasolwele ngwenyi mahasa kuhindwisa afu

Nyingika nawa yize Yesu alingile hali sepa lienyi Lazaru. Tanga Yoano 11:14, 38-44, mba nushimutwine yihula yino:

• Kuchi tunanyingika ngwetu chamwenemwene lume Lazaru kafwile?—Tala versu 39.

• Nyi chamwenemwene lume Lazaru kayile mu malilu, kachi Yesu kamuhilwishile nawa hano hashi?

Tala CHINEMA

CHINEMA: Yesu Yahindwisa Lazaru (1:16)