UTULIKILO WA MIKANDA HA INTERNET wa Watchtower

Kuchi Uwayilo Wetu Muuhasa Kuvwisa Zambi Kuwaha?

Wahilila ku Mwono ku Miaka Yeswe!—Longeso Lia Mbimbiliya
- 2. Kuchi twatamba kuwayila Zambi?
  
  Twatamba kuwayila wika Yehova mumu iye Sakatanga wetu. (Usolwelo 4:11) Chino chinalumbunuka ngwo, twatamba kumuzanga ni kumuwayila chakuhona kuzachisa tuponya hanji yizulie.—Tanga Izaia 42:8.
  
  Uwayilo wetu watamba kupwa “usandu, wa kupemena chikolo” kuli Yehova. (A-Roma 12:1) Chino chinalumbunuka ngwo twatamba kwononokena shimbi jenyi. Chakutalilaho, atu waze azanga Yehova kakwononokena shimbi jenyi hakutwala ku umbachiso. Kakwehuka ndako ja luchisa ngwe, kushipa makanya, kuzachisa yimwe yitumbo hanji yuma yisasu yize kaahele ku shipitali.a

Sakwilila ha Chawana cha Mwono

Wahilila ku Mwono ku Miaka Yeswe!—Longeso Lia Mbimbiliya
- 3. Funga mwono we
  
  Akwa-Kristu kakuzachisa mwono wo weswe hanga alingile Yehova. Chili ngwe kanahana mijimba yo ngwe chawana kuli Zambi. Tanga A-Roma 12:1, 2, mba nushimutwine yihula yino:
  
  Yika yatamba kukulingisa mba ufunge mwono we?
  
  Majila aka waze muhasa kuchilingilamo?