• Chize Mutuhasa Kukwata Yiyulo Yipema
    Wahilila ku Mwono ku Miaka Yeswe!—Longeso Lia Mbimbiliya

    • 5. Lemesa manyonga ja akwenu

      Atu kalisa, kashika ni yiyulo yo yalisa. Kuchi mutuhasa kusolola ngwetu, twakulemesa manyonga ja akwetu? Tutalenu yilweza yaali:

      Chilweza 1: Tunyongenu hali umwe pangi yoze wakuzanga kuzala mipano ha yiwanyino hanji ku mulimo wenyi wa hita tangwa, mba malukila mu chikungulwila muze mapangi akwo keshi kulivwa kanawa ha kumumona kanazala mupano.

      Tanga A-Roma 15:1 ni 1 A-Korindu 10:23, 24, mba nushimutwine yihula yino:

      • Kulita ni yisoneko yino, chiyulo chika pangi wacho mahasa kukwata? Yika ena muhasa kulinga nyi uli ni mutu yoze unatalinga ha chuma chize shimbi ye ya mbunge yakutayiza hanga ulinge?

      Chilweza 2: Umwe ndumbu kananyingika ngwenyi, Mbimbiliya kuyishi kukanjisa kunwa walwa. Chipwe chocho, aye keshi kuzanga kunwa walwa. Hachino mamusanyika ha chimwe chiwanyino haze mandumbu akwo ananu walwa.

      Tanga Chilumbununyi 7:16 ni A-Roma 14:1, 10, mba nushimutwine yihula yino:

      • Kulita ni yisoneko yino, chiyulo chika ndumbu yono mahasa kukwata? Yika muhasa kulinga nyi mumona mukwenu kanalingi chuma chize mbunge ye kuyishi kutayiza?

      Yuma yika muyihasa kutukwasa kukwata yiyulo yipema?

      Umwe pwo kanalembe.

      1. Eta kuli Yehova hanga akukwase kusakula yize mulinga.—Tiangu 1:5.

      Umwe pwo kanazachisa computador hanga ahengwole Mbimbiliya ni ukwaso wa mikanda yetu.

      2. Hengwola ha mikanda yetu ni mu Mbimbiliya hanga uwane yiyulo yipema. Muhasa nawa kuhanjika ni akwa-Kristu waze ajama.

      Umwe pwo kanapukuna.

      3. Nyonga ha chize chiyulo che muchikwata hali yena mwene ni hali akwenu.