Kuputuka ha Setembro, Mukanda wa Kuzachisa ha Kukunguluka cha Mwono Wetu ni Mulimo Wetu muupwa ni kwiza ni chikuma chaha cha maliji akwambujola no, chinambe ngwo, “Longesa Umwenemwene.” Chikuma chino chaha muchitukwasa kwambulula umwenemwene washi wa mu Mbimbiliya, ha kuzachisa chihula ni chisoneko.

Nyi twamona ngwetu mutu kanazange kulilongesa, mutuhasa kulitesa nenyi hanga tumuhichikila mukanda weswawo chipwe kumusolwela chinema cha ha jw.org. Twatamba kuhiluka kawashi hanga tushimutwine hakehe ni mutu wacho. Maliji aha akwambujola no ni malongeso ja a longi mapwa ni kukatuka ha yikuma ya tupitulu a mukanda Yika Mbimbiliya Muyihasa Kutulongesa? Mutuhasa kuwana ho yihula yikwo ni yisoneko yize muyitukwasa hakumeneka atu waze twahanjikanga no chipwe hakusongwela longeso ni kuzachisa wika Mbimbiliya.

Kuli wika jila yimuwika yakutwala ku mwono. (Mateu 7:13, 14 ) Twakuhanjika ni atu a mangeleja anji nawa a mutapu weswe, twatamba kwaasolwela umwenemwene wa mu Mbimbiliya uze muukwata ku mbunge ya mutu ni mutu. (1 Timo. 2:4) Muze mutuhanjika yikuma yinji ya mu Mbimbiliya ni kupemesa uhashi wetu wa kwambujola “kanawa mu liji lia umwenemwene” chiseke chetu muchoka, nawa mutupwa ni yiwape yinji ya kulongesa umwenemwene kuli akwetu.​—2 Timo. 2:15.

Atu hashi heswe kanafupu ulembejeko. (Chilu. 4:⁠1) Ha kakweji mweswe wa Setembro, mutusa tachi jinji hanga tuhane Kaposhi wa Kutalila uli ni longeso lia utakamiso. Tusenu tachi hanga tuhane kaposhi yono kuli atu anji. Alioze, twakuzanga kuhanjika ni atu hanga twakolweze, kashika kanda tuhichika kaposhi ku ma zuwo kuze kushi atu.

YIZE MUTWAMBA

“Tulieswe twakufupa ulembejeko. Alioze, kulihi mutuhasa kuuwana? [Tanga 2 A-Korindu 1:​3, 4.] Kaposhi yono kanalumbununa chize Zambi akuhana ulembejeko wacho.”

Nyi mutu masolola ngwo kanazange ni kutayiza Kaposhi, . . .

SOLOLA CHINEMA, MUMU LIAKA TWAMABA KULILONGESA MBIMBILIYA?

Mba uputuke nenyi longeso lia Mbimbiliya.

HICHIKENU CHIKUMA CHIZE MUNUKASHIMUTWINA MUZE MUNUKAHILUKA

Muhule chihula chize mukakumbulula muze mukahiluka, ngwe chino, “Mumu liaka Zambi akwecha lamba?”