LONGESO 11

Kuhanjika ni Chiseke

A-Roma 12:11

CHIKUMA CHILEMU: Hanjika ni chiseke ukwase waze anakupanjika anyonge ha yize unahanjika, hanga akayilinge.

Pande jatamba chitangu kukwata ku mbunge ye. Muze unalulieka pande je, nyonga chinji ha ulemu wa yikuma mukahanjika. Watamba kunyingika kanawa pande je hanga ukahase kujihanjika ni mbunge ye yeswe.
Nyonga hali waze makupanjika. Nyonga ha chize sango mukatanga hanji kulongesa mujikakwasa atu. Shinginyeka jila yize mukahanjikilamo sango jacho mba jikalumbunukine kanawa waze makakupanjika.
Sako mwono ha pande je. Hanjika ni mbunge yeswe. Zachisa kanawa moko je ni mujimba we ni kusolola kanawa chifwa che, hanga usolole chize unevu ha pande je.

Kanda upwa ni chako chipi cha kuzachisa moko ni mujimba mujila yimuwika mashimbu eswe. Watamba kuzachisa moko ni mujimba mujila yalita. Watamba kushindakenya ni chiseke chipi-chipi yikuma yilemu ni kukwasa mbunga akalinge yize unalweze. Kanda uhongesa waze anakupanjika ha kuhanjika pande je jeswe ni masambi-sambi.