MWASO 159
Halisenu Yehova
(Samu 96:8)
1. Iya walifwa ne, Tata,
Hashi ni mu malilu?
Yika mungukwaha, Tata
Ha zango lize ukwete?
Malilu kakusolola
Ndundo ni uhenya we.
Yami iya, Zambi yami,
Mba ungufunge chichize?
(KORO)
Zambi, Tata, ngupanjike kama
Amu ngunakwimbila.
Uli Zambi yami wa mutolo.
Natamba kukwimbila
ni kukuchichimieka.
2. Yehova wangwaha mwono,
Ndo ngukuchichimieke.
Mungupwa ni kwambujola
Uhenya ni upeme we.
Nakwivwa kuwaha chinji
Hakupwa kavumbi ke.
Kuwakungutakamisa,
Nunga ni kungusongwela.
(KORO)
Zambi, Tata, ngupanjike kama
Amu ngunakwimbila.
Uli Zambi yami wa mutolo.
Natamba kukwimbila
ni kukuchichimieka.
3. Yuma yeswe twakumona
Yena wayitangile.
Yakunguvwisa chiseke
Ni kusolola zango lie.
Kuyakusolola nawa
Mana waze ukwete.
Mungukuhalisa chinji
Ha yitangiwa ye yeswe.
(KORO)
Zambi, Tata, ngupanjike kama
Amu ngunakwimbila.
Uli Zambi yami wa mutolo.
Natamba kukwimbila
ni kukuchichimieka.
(Tala nawa Samu 96:1-10; 148:3, 7.)