Kukalakala Chimuwika mu Mulimo wa Kucha Mbuto

1. Tuli mu matangwa apema,

Akuya ni kucha mbuto.

Angelo e ali ni kucha;

Twatamba kulichinga no.

Yesu hanatwehe chilweza

Chakuya ni kwambujola.

Kuyuka chinene tuli nacho

Kuzata no chimuwika.

2. Ha zango lia Zambi ni atu,

Twakukalakala chinji.

Twambujolenu ni kawashi,

Mumu songo hi liaheta.

Kuwaha chinji tuli nacho

Kuzata hamwe ni Zambi.

Nyi mutwambujola ndo kusongo,

Zambi matupala chinji.