Génesis
12 Maabea Jeowaba naka asia Abranmaa: “Wãs bichi puuru choromaɗebena, bichi deɗabenarã ɓuikuas mauɗe bichi akõre deɗebenarã siɗa maabea wãba chi puuru choroma mʉa bichimaa unubiiruuɗaa. 2 Maabea mʉa bichi maucha puuru choromaɗe babiyua, bendecipeɗa mauɗe bichi trʉ̃ aude mechia babiyua mauɗe bichi mʉ baita bi’ia ãrĩã ɓoi. 3 Mʉa bendeciyua bichi bendecibudaurã mauɗe mʉa ãyaa jarayua chi bichi ʉ̃rʉbena ãyaa jarabudauɗebena, mauɗe joma chi iujãaɗe deɗabenarã duanuurã bendecikuayua bichiɗeeba”. 4 Mauɗeeba Abranba asesia Jeowaba jaraɗa baɗa maabea wãsii, mauɗe Lotba kõpaesia ichi. Abrán 75 año niiɗe wãsii Haranɗebena.