2 Crónicas

9 Ãchiraba ochiaɗe wãsiɗau chi sumo sacerdote Hilquías mauɗe deasiɗau chi nejarra Dachi Akõre deɗebena baɗáturu, chi nejarra chi levitarãɗe chi poroa trajapeɗaaɗa baɗa naarãba adaupeɗaaɗa baɗa Manasesɗe, Efrainɗe mauɗe jomaurã Israelɗebenarãɗe, Judarãɗe, Benjaminɗe mauɗe chi Jerusalenɗe nureerãɗe. 10 Maabea ãchirãba deasiɗau chi trajoɗebenarã ochia nureerãmaa chi Jeowa deɗe. Mauɗe chi trajabadaurã Jeowa deɗe nau adausiɗau waya karaaɗayua chi de. 11 Deasiɗau chi artesanorãmaa mauɗe chi trajabadaurãmaa chi mokara bi’ia era koɓeerã nedoi baita mauɗe bakuru chi ʉ̃rʉ adauɗai baita, mauɗe piradrubiɗayua chi de choromarã chi reyrã Judaɗebenaba daña ɓuipeɗaaɗa baɗa.