Salmos
139 Ɗuuya Jeowa, bichia mʉʉɗe eɗa jʉrʉsia bi’ia ãrĩã, mauɗe mʉ kai kuitaaɓua. 2 Bʉaburu kuitaaɓuu mʉ akuɓeeruuɗe, mʉ piradruuruuɗe. Mʉ kʉ̃risia kaitawẽ ɓuumina bichia kuitaaɓua mʉa kãare kʉ̃risiaɓuu. 3 Bichia unupeɗa ochia barii mʉ wãburuuɗe jeɗa ɓeeruuɗe bichia ochia nii biʼia mʉ o. 4 Joma kuitaaɓua bichia Jeowa, kãare mʉa jaraaruu mʉa jarai naeɗe. 8 Chi ʉtʉ bajãaɗe koɓeesirã, jãma bichi nibai basia, mauɗe mʉ jeeɗa nuɓeeibʉrã chi Tumbaɗe, mama aria bichi koɓeei basia 13 Bichia mʉ tãriɗe kuɓuu aseɗa bẽrã; biʼia ãrĩã ochia uru kerasia mʉ nawe matrizɗe. 14 Mʉa naarã beɗearã kĩrawãrearã jaraarua bichiɗebena bichiaburu mʉ kĩrawãrea ãrĩã asesii bẽrã. Bichia joma aseburuu kĩrawãrea ãrĩã ɓua, maarã mʉa bi’ia ãrĩãdu kuitaa ɓuu. 15 Mʉ bʉʉrʉrã bichiɗebena miru duanaa basia chi mʉ chõpea asepeɗaaɗaɗe, mʉ iujãaɗeebiɗa doidu ãrĩã kapeɗaaɗa kiruuɗe. 16 Bichi dau baara unusia mʉ embrión ɓoosiiɗe joma mʉ kakuaɗebena naeɗe bichi libroɗe ɓʉ kuɓoosia —mauɗe chi ewari sãuɗe aseiɗeeɗa— chi jãarãɗebena ɓoi naeɗe. 17 Mauɗeeba, ¡kĩrawãrea ãrĩã biɗa bʉka ochia kʉ̃risia ɓuu! Ay Chacha, ¡ãrĩã ɓuu!