Salmos
32 Kĩrajʉʉ nibabaria chi ãyaa aseɗa perdonaɗa, chi ichi pekao perdonaɗa baɗa. 2 Kĩrajʉʉ nibabaria ẽbẽra Jeowaba ichi culpaɗebena jarakau, ichiɗe eɗaa akawa miadaa barawẽe. 3 Mʉ chũpea ɓeesiiɗe, jẽa ɓuu kakua mʉ bʉrʉrã boosua wãsiɗaa diaɗe. 4 Ewariiruuɗe mauɗe kiuruuɗe bichi kĩru ɓoosii bẽra mʉ baita biʼiawẽe basii. Mʉ chaarea ɓooɗa baɗa bania kĩra tawa wãsia veranoɗebena kĩra. (Sélah). 5 Maka ɓuuɗe mʉa jarasia mʉ pekao ʉ̃rʉbena; mʉa meraabasia chi ãyaa aseɗa baɗa. Naka aɗaa: “Mʉa jarayua chi miadaa aseɗa baɗa Jeowamaa”. Maabea bichia perdonasia mʉa ãyaa aseɗa mauɗe mʉ pekaorã siɗa. (Sélah).