Salmos
34 Biʼia ãrĩã jarayua Jeowaɗebena joma chi kuɓuu horaɗe; iɗebena ara jãka biʼia jarayua ichiɗebena 7 Jeowa anjelba jʉ̃kaa nuɓuapeɗa karebakuaɓua Dachi Akõre respetanureerã. 8 Kuitaaɗapeɗa ochiábaɗa Jeowa bia nii; kĩrajʉʉ nia chi mukĩra ichiɗe eɗa miru nii 10 Chi Jeowa jʉrʉ nureerã baita chi biʼia ɓuu wãʼãe paneeɗaabayua 12 ¿Kai machiɗebenaba chokae nii kakua ãrĩã kʉ̃riapeɗa maabea mauɗebena ãrĩã busta nia? 13 Makarã idarabirãaba bichi kĩraɗeeba ãyaa jarayua, mauɗe idarabirãaba bichi iba setaa jarayua. 14 Chi miadaa ɓuuɗebena wãba maabea chi biʼia ɓuu aseika; chi chĩoɗakau jʉrʉba mau kaaɗeburu wãyua. 15 Jeowa daurã ẽbẽra biarãɗeburu kuɓua mauɗe ichi kʉʉrʉ ũri ɓua ichimaa aiɗaɗai wiɗi duanuurã baita. 16 Maka ɓumina Jeowa kĩadarr chi ne kachirua asebadaurã baara ɓuuwẽe, iujãaɗebena joma jaretayua ãchi ʉ̃rʉbena. 18 Jeowa ara kaita ɓua chi ãchi corazón pu’ua ua duanuu; mauɗe aiɗa ɓua chi kĩra nomaa aka keɗeerã. 19 Chi ẽbẽra bia supriɓua ãrĩãdu, maamina Jeowaba waa aiɗayua. 20 Kareba ɓua joma bichi ɓʉʉrʉrã; aɓa biɗa ɓʉawẽa ɓua.