Éxodo
3 Moisés chi pastor oejarãɗe basii ichi chayũre Jetroɗe, ichi sacerdote Madianɗebena basia. Día aɓauɗe, Moisesba odoemaa ɓoosiiɗe chi oejarã iujãa põesãa ɓuuɗaa, occidenteare, neesia chi mode Horebɗaa mau chi mode Dachi Akõre ariɗe kiɗiiɗe. 2 Maabea neesia chi ángel Jeowaɗe mau aoko kuɓuu chi bakuru tãeɗe. Mau unusmina, chi aoko kuɓuu baa wãwẽa kuɓuu. 3 Maabea Moisesba jarasia: “Ara kaita wãibʉ bi’ia ochiayua kãrea jãu bakuru aoko kuɓuu baa wãwẽa kuɓuu”. 4 Jeowaba unusia ichi yaa eɗaa kãrii ochiayua. Maabea Dachi Akõreba bakuru ekareeba iupeɗa jarasia: “¡Moisés! ¡Moisés!” asiiɗe. Ichia panausia: “Nama ɓuma”. 5 Dachi Akõreba jarasia: “Ara kaita yaa neerã́ba. Chi jĩrʉɗe jʉ̃ nii ẽetas, jari bichia tʉamaa ɓuu mʉ iujãa”. 6 Maabea jarasia: “Mʉ Dios bichi Akõreɗe, chi Dios Abrahanɗe, Dios Isaacɗe mauɗe Dios Jacobɗe”. Makarã chi Moisés kĩedarr anasia ichi perasiiɗeeba Dachi Akõre ariɗe kiɗii unuyu. 7 Maabea Jeowaba jarasia: “Ariɗe mʉa unu ɓua saka mʉ puuru puʼua ɓuu Egiptoɗe mauɗe mʉa ũri niiɗe ãchi bia panuu ãrĩãdu trajabiɗaɗeeba. Maabea saka karibaɗai wiɗi duanuu. Mʉa bi’ia unu ɓua ãchi supri duanuu. 8 Mauɗéburu mʉ eɗaa urui chi egipcioɗebenarãɗe karebakuayua maabea awara uadoyua iujãa aribia ɓuuɗaa, aria leche mauɗe miel siɗa ãrĩã baraa, mau iujãa cananeorãɗea, chi hititarãɗe, chi amorreorãɗe, chi perizitarãɗe, chi heveorãɗe mauɗe chi jebuseorãɗe. 9 Ũriba, mʉa ũri nii mʉ puuru Israelɗebenarãba dai aiɗástu a panuu. Mauɗe mʉa unusii saka chi egipciorãba ãrĩãdu iadaaɗapeɗa uru duanuu supribiɗayua 10 Mʉa bʉyua faraonmaa. Bichia Egiptoɗebena awara uadoyua mʉ puuru chi israelitarã”. 14 Mʉ mʉa kʉ̃riaɓuu bayua 15 Mʉ trʉ̃ Jeowa, mau akabakama,