Proverbios
7 mauɗe, mʉa ochiasiiɗe chi adua nuree, unusii aɓa nii kũudrãaɗebena bi’ia kʉ̃risiaka ɓuu nii. 8 Chi kũudrãa wãmaa ɓoosii chi wẽra akʉ nuɓuumaa 9 chi kewaraa ʉ̃ɗaa kuɓuu, ẽsabuɗaa baburuuɗe chi pariu kuɓuuɗe. 10 Mʉa unusii chi wẽra awara wãsii ichi ome unuyua chi paru jʉ̃ nibasi wẽra kakua nedoɓue barii nii kira, ichi kʉ̃risiaɗe daño aseyuturu kʉ̃risia ɓuu. 12 Jãabea calleɗeburu maabae plazaɗe; esquinaka esperaka akʉ noɓeebarii. 13 Jidaupeɗa iñabarii kachirua ochiabarii, mauɗe jara ɓuu 14 “Mʉ paz baita sacrificio deaɗa baɗa. Jãu baɗa iɗi cumplisii. 15 Jãuɗéburu mʉa bichi ome unuɗe neesia, jʉrʉ nibapeɗa, ¡unusia! 16 Mʉ kʉɗa biʼia tunu ɓoosii ʉ̃rʉburu biʼia ɓuuba, paru teɗechoa jʉ̃ niiba lino Egiptoɗebena 17 Mirra, áloe mauɗe canela jãuba mu kʉɗa ʉ̃rʉ aria jĩchoa kuɓuusii. 18 Uche, itua biuɗaika chi kʉ̃ria konooba ewariburuuɗaa; ãbua biʼia kãiɗaika chi kʉ̃ria kopanuuba 19 Mʉ kima deɗaa wãʼãemaa; kaitawẽe basiiba. 20 Adoesii bolsa chinejarra baara, ichi neewẽe Chi jeɗako akʉ ewariruuɗaa. 21 Mauba ichi ãyaa kʉ̃risiabipeɗa. Engañasii beɗea mipitaa ɓuuba. 22 Eteuɗe ichi wãsii ichi kaaɗe, paka mukĩra chi beabadaumaa wãmaa ɓuu kĩra, surena nii cepoɗe eɗa jiranuuruu kĩraka, 23 aɓa chi miasuba chi tãri edu waa suburuuɗaa. Ara jari ibana enebeɗe baebarii kĩra ichia adua saka biubiiyu 24 Maabae, warrana ũríbaɗa; ũríbaɗa biʼia mʉ beɗea 25 Bichi corazón ida wãbirã́baɗa ichi oɗaa. Wãrã́ba jãu oɗe. 26 Jãuba jomaurã ɓaebia ɓua; ichia ãrĩãrã biubia ɓua. 27 Ichi de biuburuuɗaa wãyua; wãyua chi pariu kuɓuuɗaa biubadauɗaa.