Ageo

2 “Naka jaraɓua Jeowa ejersitoɗebenaba: ‘Nau puuruba naka aɓua: “Daiba poyaa karaaɗaabai ɓuu Jeowa dee”’”. 3 Mauɗe waya chi propeta Ageoɗeeba naarã beɗearã ɓʉpeɗaaɗabasia Jeowaɗe: 4 “¿Maarãra bari chi dee kĩrawãrea ãrĩã waupeɗaaɗabaɗa bakuruba mauɗe duanaɗa kʉ̃riapanua mʉ dee terakuɓuumisa? 5 Mauɗeeba, naka jaraɓua Jeowa ejersitoɗebenaba: ‘Kawa kʉ̃risiasturu chi aseduanuuɗe. 6 Maarãbara uuɗapeɗa, maamina ɓa’ãraburu junapanua. Chiko koɗapeɗa, maamina jãu jawãɗawẽma. Ban doɗapeɗa duanua maamina õbisia iɗaa duaneeɓua. Paru bi’ia jʉ̃ɗapeɗa, maamina wãsiaɗawẽa. Mauɗe chi waabenarã baita trajaɓuuba, ichi chi nejarra ũbisa choɓea iɗaa ɓuuɗe eɗaburu uardaɓua’”. 7 “Nau jaraɓua Jeowa ejersitoɗebenaba: ‘Kʉ̃risiaɗaika bi’ia machia asebudauɗe’. 8 ”‘Eaɗaa wãusturu mambea bakuru oɗoeɗapeɗa mauɗe mʉ dee karaasturu, mʉʉmaa bustayua mauɗe mʉ ʉ̃rʉbena bi’ia jaraɗayua’, Jeowaba maka aɓua”.