Mateo
13 Maabea Jesus wãsia Galileaɗebena Jordanɗaa Juanba bautizayua. 14 Juanba kʉ̃risiaɗa baɗa maka aseebayuɗe. Jarasia: “Mʉ́du basia nesita ɓoosii bichia bautizayua, ¿bichídu neerue mʉʉmaa?”. 15 Jesusba panausia: “Ida jãka asebiba nauɗera, biʼia ɓuma jãka cumpliɗai baita joma biʼia ɓuu bẽrã”. Maabea Juanba naa jaraɗa kĩraka jaraabai basia. 16 Maabea Jesus bautizasiiɗe, ichi baniaɗebena awara neesia, ara mauɗe chi bajãa baɗa ẽsa ewa diɗisia ichia unusii chi Dachi Akõre Jauri eɗaa neeruu paloma kĩraka Jesus ʉ̃rʉ uruuburuu. 17 Mauɗe bajãaɗeeba beɗeaburuu naka jarasii: “Cha niiturua mʉ Warr kʉ̃ria ãrĩã inii; ichi mʉ daumaa biʼia nii unu inia”.