Lucas
3 Tiberio César 15 año rey ɓoosiiɗe Romaɗebena, mauɗe Poncio Pilato chi iujãa Judeaɗebena kobernador baɗabasia, Herodes Galilea iujãaɗebena chi kobernador baɗabasia, ichi ãba Filipo Iturea mauɗe Traconitideɗebena kobernador basia, mauɗe Lisanias Abileneɗebena iujãa kobernante basia. 2 Mau diaɗe Anás Caifás baare saserdote choromarã ba panasii. Chi iujãa põesãa ɓuuɗe ɓoasiiɗe, Juan Zacarías warrmaa Dachi Akõre berreasia. 21 Jãabea, joma chi puuruɗebenerã bautizapeɗaaɗakare, Jesús siɗa bautizaɗa basia. Ichi ʉtaa wiɗimaa ɓuumisa, chi bajãa ẽsa ewa diɗiɗaa 22 chi Dachi Akõre Jauri eɗaa urusia ichi ʉ̃rʉ jãumaa uruuburuu, paloma kĩraka, bajãaɗeeba naka beɗeaɗa basia: “Bichíturua mʉ Warr kʉ̃ria inii. Bichi mʉ daumaa biʼia unu inia”. 23 Jesús ichi trajo erdausiiɗe, 30 año nibasia. Ẽbẽrarãba jarabachiɗauɗeebara, ichi José Warr baɗa, Helí warr baɗa,