Juan
2 Chi õbea ewarii baburuuɗe kimabaraabudau fiesta asesia Caná Galileaɗe, jãma aria ɓoosia chi Jesús nawe. 2 Maabea invitasiɗaa Jesús ichi kaaɗe ãda nureerã baara. 3 Chi vino akababuruuɗe, chi Jesús naweba jarasia: “chi vino ɓeewẽa”. 4 Mauɗe Jesusba panausia: “¿Sakayua dachia kʉ̃risiabaraaɗai jãu ʉ̃rʉbena? Mʉ ewarii iɗi neewẽa”. 5 Chi naweba jarasia chi deɗekamaa duanuumaa: “Asébaɗa joma ichia jaraburuu”. 6 Maabea chi seis vasija mokaraɗe ɓoosia bania baita, mama aria koɓoosia jeraayua chi judiorãba jarabachiɗau kĩraka. Aɓaaɓaa kuɓubachii ome maebʉrã õbea chi bania eɗa noɓoobarii. 7 Jesusba jarasia: “Chi vasijarã waabirubíbaɗa baniaba”. Chi ikaaɗeeɗa birubiɗayua. 8 Maabea jarasia: “Ɓiɗĩika kueɗapeɗa odoesturu chi fiesta jara ua kuɓuumaa”. Maabea ãchirãba odoesiɗaa. 9 Chi fiesta jara ua kuɓuuba adausii chi vino bania baɗa, adua basia samabena neesii (chi deɗekamaa panuuba chi bania adaupeɗaaɗa baɗa kuitaa panasia), chi novio iupeɗa 10 jarasia: “Jomaurãba juébaɗa chi vino biʼia ɓuudu, maabea chi ẽbẽrarã biu bara ɓeeɗakare, juébaɗa chi vino biʼiwẽe ɓuuɗebena. Bichia merasii chi vino biʼia ɓuu ara nauɗaa”. 11 Jari asesii Jesusba Caná Galileaɗe jãu basia chi naa asesii chi milagro. Unubiasia Jesusba ichia asei ɓuu, ichi kaaɗe ãda nuree ichiɗeburu ijãasiɗaa.