Romanos
12 Mauɗeeba, ãba chekerã, mʉa machimaa wiɗii Dachi Akõre chuburiaɗeeba machi kakua deaɗayua kĩrabara regalo chokae ɓuu kĩra, jayoaswãe ɓoi mauɗe Dachi Akõremaa bustayua; jãkaburu Dachi Akõre baita trajaɗai bari chi biʼia ɓuudu kʉ̃risiaɗai. 2 Maabea nau iujãaɗebena kĩra nurearã́baɗa; bari, machi kʉ̃risiadu ãyaa asebiɗai machiɗeeba kawaɗayua, machi du aɓa kuitaaɗayua sãu biʼia ɓuu mauɗe chi busta ɓuu mauɗe chi jipa ɓuu Dachi Akõreba ase kʉ̃ria ɓuu. 3 Jarayua machimaa aɓa aɓaa kʉ̃risiarãabaɗa waabena aude nuree, bari kawa nureábaɗa dachi jomaurã ome ara ɗauchia nurea. 9 Machia kʉ̃ria unubibudau ariɗeburu ɓooyua. Iadábaɗa joma miadaa ɓee; mauɗe joma bi’ia keɗéturu wau panásturu. 10 Chi kʉ̃riaɗeeba chiya kʉ̃riaduanaɗayua. Chi biaburu aɓa aɓaa ase panásturu. 12 Kĩrajʉʉ duanábaɗa ne bia neeruu kʉ̃risia panuu kakua. Choroábaɗa machi ãrĩã suprimaa duanuuɗe. Ãrĩã ʉtaa wiɗi kopanésturu. 15 Chi kĩrajʉʉ duanuurã ome kĩrajʉʉ duanasturu; chi jẽamaaduanuu ome jẽasturu. 18 Berekábaɗa peleaɗawẽa duanaɗai baita jomaurã ome.