1 Pedro
3 Ara mau dauchia, wẽrarã, machi kimarã beɗea ijã́sturu, makaburu chi ɓeerãɗebena chi beɗea ũrikaubʉrã, beɗeaɗawẽeɗe ãchia ijãaɗai ɓuu chi wẽrarã ase kopanuuɗeeba, 2 chi mukĩrarãba ãchia biʼia ase kopanuu unu panuuɗeeba mauɗe ãrĩã respeto unubi panuuba. 3 Ãchi kakuaɗe ne joma jʉ̃ɗawẽa —chi buɗa siɗa ãrĩã kapipia meraa iruɗawẽa nureaɗai, mauɗe alaja paru siɗa ãrĩã iɗibadau jʉ̃ɗaabai —, 4 bari chi ichi corazonɗe mipitaa iru kiɗíturu ichi joma jipa inibayu mauɗe kĩrukaraayuwẽeɗeeba, jãdu aude vale ɓua Dachi Akõre baita. 5 Jãkaburu nureasiɗau chi wẽrarã jipa duanuu naeɗeeɗabena ãchia chi Dachi Akõreɗeburu ijãabachiɗaa, ãchi kima beɗea ijãa nureeba, 7 Ara jãka, kimarã, waaburu chi wẽrarã ome duanábaɗa ãchirã kawa unubudauɗe. Maubapeɗa ãchi biʼia kʉ̃riábaɗa kĩrabara sãu cheke mia ɓaebimaa kiruu kĩra, ara chi wẽra nii kĩra, ãchi siɗa machi kĩra biuɗawẽa nuree paaɗe wãi ɓuu bẽrã, makaaruuwẽerã machia ʉtaa wiɗibudauɗe ũriibai. 8 Machi jomaurã ara dauchia kʉ̃risiaɗapeɗa, waabenarã saka duanuu kʉ̃risiábaɗa, deɗabenarã kʉ̃riabadau kĩrachaa kʉ̃riásturu, kĩrachuburia unubísturu, ne juakayawẽa nureásturu. 10 “Chi waa niba kʉ̃riapeɗa mauɗe kĩrajʉʉ nibai kʉ̃ria ɓuubʉrã, setaa jaraabayua mauɗe ne kachiruarã siɗa jaraabai waabenarãɗe. 11 Bari chi bi’ia ɓeedu aseɗai mauɗe chi kachiruarã ida ɓuiɗayua; maabea peleaɗawẽa nibaɗaimeka waabenarã baara. 12 Chi dau Jeowaɗe ochia kuɓuu chi ẽbẽrarãba bi’ia ase nureeɗebena ichi kʉʉrʉba ũriyua ãchia wiɗii panuuɗebena, maka ɓumina Jeowaba bustakau chi miadaa ɓee ase nureerãɗebena”. 15 Bari, ũríbaɗa Cristódu machi corazonɗe, beɗeayudu koɓooɗayua panauɗayudu kopanaɗayua jomaurãba wiɗibudauɗe sakayua ijãa nuree chi espera kopanuuɗebena, mau kĩruɗayuwẽe panauɗayua mauɗe respeto iɗaa. 18 Cristo ɓes aɓaburu biusia dachirã pekao kakua, aɓa kĩra jipa niiɗe kĩra jipaswẽe nuree kakua, machi wayaburu Dachi Akõre kaita duanayua 21 Bautisaaruuba [...] machi aiɗamaa ɓua,