¿Sakayua Jesus biusaa?

Jesus biusii dachirãra waaburu biubiaẽmaba (Juan 3:16)

Õbea ewariɗe Jesus biuɗakare, werarã ichi uaɓuuɗaa wasiɗaa mara barikuɓuu ũnusiɗaa. Jeowaba piradrubiɗaɓua.

Mãukaɗe chi Jesus ichi kaaɗe ãdabaɗau ãbachekerãmaa nesia.

Jeowaba piradrubisia, Ichi jʉ̃kaa ʉtʉ bajãɗe ɓoamerã anjelerã kĩrã. Ichia jaradeakuaɗamaa ʉtaa waruu ũnubiasia. Jãbaera Ichira anjel chaareawaa Ichira waya biuweã.

Diosba Jesus piradrubisia mambae rey trũasia (Daniel 7:13, 14)

Jesusba ichi nibai baɗa deasia jomaũrã ẽbẽrarãmaa karibayʉa pekao maũɗe waya biui ɗebena (Mateo 20:28). Maũɗeburu arakiruma, waya biuɗaweã.

Jeowaba Jesusturu jʉrʉsia ʉtʉ bajãreba chi ĩũjã ɗebena rey bamerã. Mamiɗa du aɓaubara aweã. Mãu Ichi baara 144 mil ẽbẽrarã duanayʉa ũrĩbabakirureara, ʉtʉ bajãɗe piradrupeɗaɗakare. Maturu Dios Reinowaa (Revelación [Apocalipsis] 14:1-3).

Mãu Reinoba joma nãu ĩũjã mipitaakiruɗe babiyua. Ãchicha kenaɗaweã, chiruabaɗau, poorekiruree, jarbisia siɗa waʼãẽ bayʉa. Jomaũrã mimichia kĩrãjuuburu duanuaɗai (Salmo 145:16).