CHI NABENA TEMA | ¿BICHI DU AƁA BIUI KɄ̃RIA ƁUẼ?
3 Chi biʼia ɓuu neeiɗaa iru ɓuu
“Maamina chi ẽbẽra bia kirureerãba nau iujãa audayua mauɗe ãchi kĩrajʉʉ duanaɗai paz aribiadu unuɗayua” (SALMO 37:11).
Chi Bibliaba jara ɓuu chi ẽbẽra ara ɓiɗĩikaburu nibabaria mauɗe kapichia ne ãrĩã nia chi kachirua ɓuu (Job 14:1). Jomaurãmaa chi kachirua ɓuu neebarii, maamina chi nureeba kʉ̃risiabadau jãu akawara acabaabayu. ¿Bichia ara jãka kʉ̃risiabarẽe? Bibliaba jara ɓuu ɓaʼãraburu chi biʼia ɓuu neeiɗaa iru ɓuu bʉʉmaa mauɗe joma ẽbẽrarãmaa biɗa, nauɗebena ijã́baɗa:
Bibliaba jara ɓuu Dachi Akõreba dachi wausiiɗe, joma biʼia nureaɗaíturu kʉ̃ria ɓoosii (Génesis 1:28).
Jeowaba jaraɗa baɗa chi iujãa mipitaa ãrĩã koɓeeyuɗebena (Isaías 65:21-25).
Cha nau naka bayua, Bibliaba Apocalipsis 21:3, 4ɗe naka jara ɓuu:
“Dachi Akõre ẽbẽrarã tãeɗe ɓuu. Ichi ãchi baara ɓuai. Mauɗe ãchi ichi puuruɗebenarã nureaɗai. Ichi ãchi Akõre bai mauɗe biawãra ichi ãchi baara ɓuabarii. Ãchi dau ɓaa ichiba joma poabiai. Naeɗe ɓuaɗa joma wãꞌãesiiɗeeba, maarã waa biuɗaabai, jẽaɗaabai, kĩra nomaa jẽaɗaabai, mauɗe waa biꞌiwãe panaɗaabai.”
Jãu biawãra ɓuma. ¿Bichia kʉ̃ria ɓuẽ naka? Jeowaba ase kʉ̃ria ɓuu, ichíturu poder bara ɓoapeɗa mauɗe ase kʉ̃ria ɓuu. Nau kawaburuuɗe Jeowaba chi biʼia ɓúturu uneeburuuɗebena, bichia mauchaburu nibaɗe waa kʉ̃riayua.
BICHI BOROƊE ADAUS: Bichia kʉ̃risiapeɗa sentibarii jãu jãba ãrĩã dodomia koɓeebarii kue che kuɓuuɗebena kĩra, Bibliaba jara ɓuu kĩra uruburuuɗebena jãu ancla kĩra ɓuu, jãu anclaba jãba jãaduabarii kĩra.
CHA NAU ASEBA: Kawaba chi Bibliaba jara ɓuu chi uruburuuɗebena. Chi Jeowa ɗebena Jaranũrẽba aiɗaɗai ɓua kawabiɗai baita. Beɗeaba bichi comunidaɗaa wãbadaurã ome maebʉrã jʉrʉi ɓua interneɗe chi página jw.org.a
a Jʉrʉs jw.org mauɗe KARTARÃ DUANUU > BIBLIOTECA INTERNEƊE a ɓuumaa kaatitase. Jʉrʉs “Ɓʉtase kãareɗebena jʉrʉi” a ɓuuɗe, mama ɓʉtas chi beɗearã “nomaa koɓeebarii” maebʉrã “du aɓa biui” maucha kawai baita.