12 Kʉ̃risiayu chi bichia asekʉ̃rianiiɗe

¿MAKA ASERUUBɄRÃ SAKA NIBAIBA?

Dachia kosa ase kʉ̃rianiibʉrã, ãrĩãdu trajabaraaɗai chi dachia nesitaɓuu unibayua. Naeɗe kawa kʉ̃risiabaraai saka aseyu, mambea chi trajo aseɗakareburu chi kʉ̃riakoɓoosii kumpliruu unuyua.

Chi dachia ase kʉ̃rianii jãu ãrĩãdu demorai ɓua, chi ɓee diarã, mes o maebʉrã año demorabadaa. Dachia kosa ase kʉ̃rianiibʉrã mambea chi jãu ãrĩãdu demoraɓuubʉrã, jãu unuyua chi jãuɗebena ɓaʼãra ɓaʼãraaburu asekãribaɗe wãyua.

¿SAKAYUA NAU IMPORTANTE ÃRĨÃ ƁUA?

Chi bichia kʉ̃riaɓuu unuɗakare, sentiyua chi bichia kʉ̃rianii juaɗe neeñu. Audeburu amiko biarã uanibaɗe wãyua mauɗe kĩrajʉʉ ãrĩã nibayua.

Chi bichia kʉ̃riaɓuu unuɗakare, sentiyua chi bichia kʉ̃rianii juaɗe neeñu. Bichi kosarã asei kʉ̃risianiibʉrã mauɗe pasil ɓuu unurã, makãrã bichia chi chaarea ɓee siɗa asei ɓua. Bariara chi jãka ɓee ãrĩãdu chaarea ɓee unurã, waabenarã bikãa bichia biʼia unukãribaɗe wãi ɓua. Bariara waabenarãba bichimaa bichia jãu poyaa aseebai ɓuu aduuɗe bichia asei ɓua.

Audeburu amiko biarã uanibaɗe wãyua. Ẽbẽrarãmaa ãrĩã bustabadau ẽbẽrarã ome duanaɗayu ãchi kʉ̃risiaɗe nejoma aseɗai kʉ̃rianuree mambea berekabadau aseɗai baita. Dachia amikorã baare trajaniibʉrã chi kʉ̃riaɓuu adauyua, jãkara dachi amikorã kaita duaneeɓua.

Kĩrajʉʉ ãrĩã nibayua. Bichia kʉ̃risiaɗabaɗa aseɗakare, makãrã bichi aude kĩrajʉʉ nibabaria, mambea kapas ɓuu unubarii chi kosarã waaburu asei baita.

“Mʉa chi aseyu kʉ̃risianii ãrĩã bustaɓuu, makãrã mʉ ãrĩãdu kĩrajʉʉ nibabarii mambea aude okupao ɓooyu sentibaria. Mʉa kosa ase kʉ̃riaɓuu kʉ̃risiaɗaɗe aruubʉrã makãrã mʉ kĩrajʉʉ ãrĩã sentibaria” (Christopher).

BIBLIABA NAKA JARAƁUA: “Chi puakuɓuu ochiaɓoorãaba mauɗe chi uuɗabaɗa juna kʉ̃rianiibʉrã, ʉtʉ bajãaɗaa ochiaɓoorãaba” (Eclesiastés 11:4).

¿KÃARE ASEI ƁUA?

Bichiara aseyua chi kʉ̃risia iraɓooɗa nau ases.

Kʉ̃risias kãare ase kʉ̃riaɓuu. Ɓʉs chi kãare ase kʉ̃riaɓuu mambea mau kaaɗe sãu ome empesayu maka ɓʉ iraɓoika.

Kʉ̃risias saka aseyu. Nau aseba:

• Ɓʉs asta saka eɗaa asei ɓuu.

• Ɓʉs chi bichia aseruu jãuɗebena ɓaʼãra ɓaʼãraaburu asekãribaɗe wãyua.

• Kʉ̃risias kãare problemarã baraaɓuu mauɗe saka solusionai ɓuu.

Empesakoɓes bichia kʉ̃risia iraɓuu. Kʉ̃risias kãaredu naa ɓuu. Joma ara aɓau ɗauchia aseebai ɓua. Mauɗeeba, oɗe bichia unukãribaɗe wãi kãare nesitaɓuu asei baita.

BIBLIABA NAKA JARAƁUA: “Ẽbẽra niiba biʼia ãrĩã kʉ̃risianiibʉrã, chi aseruuɗebena biʼia ãrĩã wãñua” (Proverbios 21:5).