¿Jãɗakare cha sõ pua panabari ɓuiɗabaka?

BIBLIABA JARAƁUA

“Diosra [...] ãchi dauɓá jarekuarua, waburu biuɗaweã, jẽãɗaweã, chuburia jẽãɓoai ni puʼuasiɗa kawaɗaebai.” (Revelación [Apocalipsis] 21:3, 4, Traduccion del Nuevo Mundo.)

SAKA KARIBAƁUA KUITARUBA

Kawaɗai ariɗe buru Dios maẽ chi naũ joma naka dachiramá deakuɓu ɗebena (Santiago 1:13).

Kĩrãjuɗai Diosba dachirã sõ pua kawaɓuɗeba (Zacarías 2:8).

Nupanuã nunu ebariɗe maãẽ bai chi sõ pua ɗebena (Salmo 37:9-11).

¿ARIƊE ƁUE CHI BIBLIABA JARAƁUƊE ĨJÃĨ ITA?

I, kawas omẽ:

• Diosba chi iadawá wãrã puʼua ɓeai maũde nekaebea jipa ɓeakau. ¿Saka ɓosá Dios naberãrãba ichi puru mia kachirua wausiɗauɗe? Bibliaba jaraɓura ichiara chi pua ãrẽã ɓosí ichi sõɗe wabenarã púruba tũsĩãkupeɗaɗá (Jueces 2:18).

  Diosba chi iaɗawá jari ẽbẽrãba warã sõ pua wauɗai. Bibliaba jaraɓura ichia chi iadawá jari kawameã kirurẽrã aɓauba beaɗai (Proverbios 6:16, 17).

• Diosba dachirã aɓaɓá kũrĩã uaɓua. Buchia bara du aɓa buru sõ pua bú, jẽãbú biɓúburã Jeowabiɗa kawabua buchi ɗebena (2 Crónicas 6:29, 30).

  Ichi Reinoɗeba, Diosba naũɗe ẽbẽrãrã joma jari sõ pua ɓe newaẽbiai (Mateo 6:9, 10). Maũmisa Diosba chi kũrĩã ãrẽã karibaɓua ichi jurupanú (Hechos 17:27; 2 Corintios 1:3, 4).