Película, música, jãka ɓee jʉrʉs Jeowaba bustabariidu

Jeowa “Dachi Akõre kĩrajʉʉ nibabarii” (1 Timoteo 1:11). Jeowaba kʉ̃ria nii dachirã kĩrajʉʉ nureaɗayua. Ichia kʉ̃riabarii dachi descansayua trajoɗebena mauɗe destino deɗabena aseeruuɗeeɗa, mauɗe tiempo jʉrʉyu dachi apii sĩu noɓooi baita. Cha nau lesionɗe, unubudau saka aseɗai ɓuu bari nuɓuuɗe, mau Jeowamaa bustabariidu.

1. ¿Kãare naaburu kʉ̃risiaɗaiba dachia película, música, jãka ɓee jʉrʉburuuɗe?

¿Kãare bustabaraa asei baita bari nuɓuuɗe? Chi nureerã bustabadau deeɗaa ɓeeyu libro leayua, música ũri ɓooyua, película ochia ɓooyua makawẽebʉrã internetɗe ochiayu. Junebenarãmaa apii aka noɓooyu bustaɗakaa, bari chi amikorã baare awara ãdaɗe wãyu, ũuɗe wãpeɗa maka maebʉrã jemeneyu. Chi dachimaa bustaburuu, “Señorba biʼia unu ɓuu” jʉrʉbaraaɗai (Efesios 5:10). Biʼia ãrĩã ɓua dachia biʼia kuitaa ɓooyua. ¿Sakayua? Chi ɓee pelicularã, música, jemenebadauɗeeɗa ẽbẽrarãba bustabadau, jãuɗe ɓesesɗe kosarã Jeowaba bustawẽe bayu ɓuu, jari peliabadauɗebena, mukĩra wẽra baare kãibadauɗebena, mauɗe jauriɗebena (Salmo 11:5 leas). ¿Kãare aseɗai ɓua dachirã kawa kʉ̃risiaɗayua?

Jʉrʉbudaubʉrã amikorã Jeowa kʉ̃ria nureerã, maarãba chi biʼia ɓuudu asebiɗayua maabea dachi aiɗaɗayua biʼia jʉrʉɗai baita chi película, música, jãka ɓee. Kawasiɗau kĩraka chi lesion 48ɗe, “chi biʼia kʉ̃risiabadau baare ãda ɓuubʉrã, makarã mau siɗa biʼia kʉ̃risia kerai”. Makawẽebʉrã, ãrĩã meraabadau ẽbẽra Jeowaba jaraburuu respetaɗaka ɓuurã ome, “biʼiawẽe wãi” (Proverbios 13:20).

2. ¿Sakayua tiempo ãrĩã sacaɗaabaiba música ũriyu, película ochia aka ɓooyuɗeeɗa?

Bariara chi película, música jãka ɓee chi ɓeerã biʼia ɓemina, ãrĩãdu kauwa ochia nibayua maumaa tiempo ãrĩã ɓeeɗaamaaba. Jãu aseɗaibʉrã, tiempo ɓeewẽe bayua, dachirã baita kosa aude biʼia ãrĩã ɓua aseɗayua. Bibliaba jara ɓuu dachi “biʼiaburu adaubaraaɗai chi tiempo” (Efesios 5:​15, 16 leas).

AUDE KAWABA

Ochiaɗaika bichia kãare asei ɓua chi película, música, jãka ɓee biʼia jʉrʉi baita.

3. Ãi nibayua chi película, música, jãka ɓee ome dachirã daño asei ɓuu baara

¿Sakayua biʼia jʉrʉi ɓua? BIDEO ochiaɗapeɗa, mambea nau ʉ̃rʉbena beɗeasturu:

BIDEO: ¿Sãarã bideo juegorã jemenei ɓua? (4:39)

• ¿Kãare ome araɓau ɓubaama chi película chi chĩobadau Romaɗebenarã ome?

• Chi bideoɗe unu ɓuu, ¿kãare kawasaa chi Dannyba chi bideo jemenebadauɗebena?

Romanos 12:9 leaɗapeɗa, mambea nau ʉ̃rʉbena beɗeasturu:

• ¿Cha nau versiculoba saka aiɗa ɓua dachia biʼia jʉrʉɗai baita chi música, película, jãka ɓeeɗebena?

¿Sãarã chi ɓee kosarã Jeowaba bustakauɗebena? Proverbios 6:16, 17 mauɗe Gálatas 5:19-21 leábaɗa. Textorã aɓaaɓaa leaɗakaɗe, nau ʉ̃rʉbena beɗeasturu:

• Chi kosarã jara ɓuu nau textoɗebenarã, ¿sãarãba chi aude unu panua chi película, música, jãka ɓee iɗibeabenarã?

Saka biʼia jʉrʉɗai chi película, música, jãka ɓee

Kʉ̃risiaba cha nauɗe:

• ¿Kãareɗebena ɓuu? ¿Unubaree chi Jeowamaa bustaka ɓuu?

• ¿Sakaeɗe? ¿Jãu hora araɓauɗe ɓubaaka chi aude ãrĩã biʼia ɓee dachia ase panuu ome?

• ¿Kairã ome? ¿Mʉ tiempo ãrĩã pasai ɓubaaka Jeowa kʉ̃riaɗaka ɓuu nuree ome?

Chi carro ãrĩã kaitawẽe bayu chi bʉra wãyu ɓuumare. Ara jãu kĩraka ãi nibayua chi pelicularã, musicarã, jãka ɓee ome dachirã daño asei ɓuu baara.

4. Bichi tiempo biʼiaburu adau nibayua

BIDEO: ¿Kãareɗe wãbaraa bichi tiempo? (2:​45)

• Chi ãba bideoɗebena kosa kachirua ɓuu asemaa ɓuuwẽe basimina, ¿chi tiempo kãareɗe wãbachaa?

Filipenses 1:10 leaɗapeɗa, mambea nau ʉ̃rʉbena beɗeasturu:

• ¿Saka aiɗai ɓua nau versiculoba kawayua sãabe tiempo película ochiapeɗa, música ũripeɗa, jãka ɓee aseyu?

5. Jʉrʉba chi película, música, jãka ɓeeɗeeɗa biʼia ɓee

Jeowaba bustakau chi ɓee película, música mauɗe jemeneburuuɗeeɗa. Maka ɓumina, baraa ãrĩãdu bustabarii, mauba kĩrajʉʉ nibaɗayua. Eclesiastés 8:15 mauɗe Filipenses 4:8 leaɗapeɗa, mambea nau ʉ̃rʉbena beɗeasturu:

• Bichi bari kuɓuuɗe, ¿kãare kosarã aseyu bustabaraa?

NAU KAWASIƊAA

Jeowaba bustabarii dachia película, música, jãka biʼia ɓeedu jʉrʉɗayu, kĩrajʉʉ duanaɗai baita bari kuɓuuɗe.

Waya berreaɗaika

• ¿Kãare película, música, jãka ɓee ome ãi nibabadau chi cristiano nureerã?

• ¿Sakayua tiempo ãrĩã sacaabaiba música ũriyu película ochia aka ɓooyuɗeeɗa?

• ¿Bichia jʉrʉ kʉ̃ria ɓuka película, música, jãka ɓee Jeowaba bustabariidu? ¿Sakayua?

NAU OCHIAS MAUCHABURU KAWAYUA

Kawa nibaba kaiba jʉrʉi ɓuu chi música, pelicularã jãka ɓee.

“¿Jeowa ɗebena Jaranũrẽrãba inureka lista chi librorã, película, música poyaa dachia ira ɓoobaibʉrã?” (Artículo jw.org ɗebena)

Lease kãare kosarã poyaa ochiabai ɓuu, maebʉrã ũriibai ɓuu dachi bari aka ɓuuɗe.

“¿Biʼia ɓeabaaka chi película, música, jãka ɓee dachia ira ɓee?” (Chi Kartaba, 15 octubreɗe 2011ɗebena)

Kawaba mukĩra niiba sakayua ida ɓuɗa baɗa película ochiayu biʼiawẽe ɓooɗa. Ichia nebʉrʉ ɓuu nauɗe “Mʉa ida ɓuɗa basia kapuniarã iadaa nibaɗa”.

“Ãchi nibapeɗaaɗabaɗa kambiasia Bibliaɗeeba” (Chi Kartaba, 1 febreroɗe 2010ɗebena)

Ochiaba kãare asesii wẽra niiba pelicularã jaurirãɗebena ɓeerã ome.

Pelicularã chi jaurirãɗebena ɓeerã ida ɓuiɗayua (1:59)