¿Sakaeɗe koberna koɓeesaa chi Dachi Akõre Kobierno? (PARTE OME)

NABUCODONOSORBA KOMAKARAAƊA BAƊA Ʉ̃RɄBENA WAYA ƁAʼÃRA BEƊEA PANUU

Julio: ¿Biaka Ernesto? Mʉ kĩrajʉʉruu bichi waya unuuruuɗeeba. Semanacha bichimaa Bibliaɗebena beɗeaɗe neeburuuba mʉ kĩrajʉʉ ãrĩã nia.a ¿Saka ɓuma bichi?

Ernesto: Biʼia ɓuma, ¿bichira?

Julio: Mʉ siɗa biʼia ɓuma. Naa basiiɗe beɗeapeɗaaɗa baɗa sakayua Jeowa ɗebena Jaranũrẽrãba jara panuu Dachi Akõre Kobiernoba goberna koɓeesii 1914ɗe.b Ochia panasii, capítulo 4ɗe libro Danielɗeɗe. Mama eɗa jara kuɓuu sakayua maka kʉ̃risia panuu, ¿acorda ɓuẽ sãuba?

Ernesto: Maerã, chi rey Nabucodonosorba komakaraaɗa.

Julio: Mara maká, ichia komakaraaɗa baɗa bakuru mechia nuɓuu ʉtʉ bajãaɗaa nee ɓuu. Maka komakaraa kuɓuuɗe ũriɗa baɗa angelba jãu bakuru tõtábaɗa aɗa baɗa. Chi karrdu ɓeeɗa baɗa, maabae “siete tiempos” pasaɗa baɗa mauɗe chi bakuru waya ʉtaa wari koɓeesia.c Mauɗe kawa panasii jãu profecía ɓes ome cumpliɗa baɗa. ¿Sãu basaa chi nabena? ¿Acorda ɓuẽ?

Ernesto: ¿Nabucodonosormaa pasaɗa basẽe? Locochaa ɓeepeɗa, siete años pasaɗa basia.

Julio: Makabʉ. Locochaa ɓeepeɗa, chi rey baɗa ida ɓuɗama. Chi omeɗebena nau profecía pasasiiɗe, apii kuɓusiiɗe siete tiempos chi Kobierno Dachi Akõreɗe nau iujãaɗe. Jãu empezaɗa baɗa Jerusalén ãritasiɗauɗe chi año 607ɗe Jesús neei naeɗe, ara makaeɗeeɗabena, rey wãʼãe basii Jeowa baita nau iujãaɗe koɓooyu. Jãu añorã acabasiiɗe, Dachi Akõreba trʉ̃ jarai baɗa chi junebe rey, maka ɓumina bajãaɗeburu. Maabae mau siete tiempos acabaɗakare, bajãaɗe chi Kobierno Dachi Akõréturu koɓeei basia. Jãabae unusiɗau sakaeɗe empezaɗa baɗa chi siete tiempos. Jãabae unuɗayu sãabe demoraɗa baɗa, kawaɗayua kãare añoɗe empeza koɓeeɗa chi Kobierno Dachi Akõreɗe. ¿Kawa kãriẽ?

Ernesto: Maerã, jãabaera kʉ̃risiaɗe koɓeeruma jãma naa beɗeapeɗaaɗa.

Julio: ¡Ara ɓuuta! Ochiaɗaika makarã sãabe demoraɗa baɗa chi siete tiempos. Mʉ nama neei naeɗe repasaɗa basia, kʉ̃risiaɗe adauyua joma chi jara kuɓuuɗebena. Mʉa bereka jaraima.

Ernesto: Maerã.

CHI SIETE TIEMPOS ACABAƊA BASIA, MAABAE CHI ÚLTIMO DIARÃ EMPEZAƊA

Julio: Naeɗe cumpliɗa baɗa, Nabucodonosor ome, siete años demoraɗa chi siete tiempos. Chi omeɗebena cumplisiiɗe, chi Kobierno Dachi Akõreɗe aude demoraɗa basia.

Ernesto: ¿Mau saka kuitaa panaa?

Julio: Chi siete tiempos empezaɗa baɗa año 607 Jesús neei naeɗe, Jerusalén ãritasiɗauɗe. Siete años jusiaɗaibʉrã jãu añoɗeeɗabena, neeyua año 600 Jesús neei naeɗe. Makarã jãu añoɗe akawa unuɗaabasii chi Kobierno Dachi Akõreɗe. Maabae beɗeapeɗaaɗa kĩra, maaɗakareburu Jesús nau iujãaɗaa neesiiɗe, jaraɗa chi siete tiempos wabiɗa acabawẽa ɓoosii.

Ernesto: Mʉa ʉ̃raburu kawasma.

Julio: Makarã, nauɗera siete tiempos siete añoswãema, aribia demorayua.

Ernesto: ¿Chi tiempo ãrĩãdu? ¿Sãabe tiempo?

Julio: Chi libro Apocalipsisɗe jara ɓua ɓaʼãra Daniel omebena, jãuba dachi aiɗa kawabi ɓua sãabe demoraɗa baɗa chi siete tiempos. Cha nau profecía jara ɓuu tres tiempo y medio mau 1.260 días.d Makarã, joma chi mau 2.520 días. ¿Kawa kãrika?

Ernesto: Maerã, maka ɓumina mʉa biʼia entendewẽma mau machia jarabadau chi Kobierno Dachi Akõreɗe 1914ɗe koɓeeɗa.

Julio: Ara ɓuma, makarã jãabae kawaɗaika. Chi ɓee profecía Bibliaɗebena, día aɓa mau año aɓaa.e Jusiaɗaibʉrã naka, chi siete tiempos makarã 2.520 días mau 2.520 años. Mauɗe jusiaɗaibʉrã chi 2.520 año chi año 607ɗeeɗabena Jesús naeɗe, jãma basii chi siete tiempos empezaɗa baɗa. Makarã neesiɗau chi año 1914ɗaa.f Mauɗéburu jarabadau mau añoɗe acabaɗa baɗa chi siete tiempos, mauɗe Jesús trʉ̃ jaraɗa baɗa Rey chi Kobierno Dachi Akõreɗe. Mauɗe 1914ɗe, empeza koɓeeɗa baɗa chi Bibliaba jara ɓuu chi último diarãɗe pasaiɗebena.

Ernesto: Maucha biʼia jarachãu jãuɗebena.

Julio: Mateo 24:7ɗe Jesusba jaraɗa baɗa chi pasayu ichi goberna koɓeeburuuɗe ʉtʉ bajãareeba: “Drua aɓa aɓau drua ome chĩobika nuɓuai. Mauɗe rey aɓa aɓau rey ome chĩobika nuɓuai. Druacha jarrba baraai mauɗe ioromia druacha baraai”. Ochiaba, Jesusba jaraɗa baɗa jarrba baraayu mauɗe ioro uribarii siɗa. ¿Jãuwãe chi iujãaɗe jãka pasa kuɓuu jãu añoɗeeɗabena?

Ernesto: Maerã, mara makabʉ.

Julio: Jesús biɗa jaraɗa baɗa guerra baraayu. Mauɗe libro Apocalipsisɗe biɗa jara ɓuu mau ara aɓa ɓuu puuruɗera pasawẽebayu, mau nau iujãa jomauɗe.g ¿Bichia kawa ɓuẽ sakaeɗe basii chi Primera Guerra Mundial?

Ernesto: 1914ɗe. Mae makabʉ, jãuɗe machiara jarabadau Jesusba goberna koɓeeɗa. Mʉa akawa kʉ̃risiawẽa nibasia jãuɗe.

Julio: Mara maká, dachia kawaburuuɗe chi profecía siete tiemposɗebena mauɗe chi profecía chi último diarãɗebena araɓauka ɓuu. Makarã jãu joma biʼia kawa ɓua chi Jeowaɗebenarãba jãu kuitaa duanuu mau 1914ɗe Jesusba goberna koɓeeɗa, mauɗeeɗabena dachi chi último diarãɗe duanuu.h

Ernesto: Abiɗa mʉa biʼia kawa kãrima.

Julio: Maerã, mʉa kuitaa ɓuma. Mʉ baita biɗa chaarea ɓoosia mʉʉmaa jarasiɗauɗe. Maka ɓumina, iɗi beɗea panuu kĩraka biʼia kawa kãribaɗe wã ɓua chi Bibliaba año 1914 jarawẽa ɓumina, chi Jeowaɗebenarãba biʼia kuitaa panuu Jesusba jãu añoɗe goberna koɓeeɗa baɗa. Mauɗe chi jari ijãa kopanuuɗebena chi Bibliaɗe eɗa ɓʉ kuɓuu.

Ernesto: Maerã, mʉa ara jãu busta ɓuma bichia mʉʉmaa jaradea nii joma Bibliaɗeeba. Mʉa wiɗiiruu bichia jarakaa “mʉa kawa adauima”, “mʉa kʉ̃risia adauima” akaa. Ara jãka unubibaria Bibliaɗéburu. Mau Sakayua poyaawẽebai ɓuu dachia kawai baita. ¿Sakayua Dachi Akõreba jarawẽebasaa dachimaa biʼia Jesús 1914ɗe rey bai ɓuu?

Julio: Biʼia wiɗi ɓua, Ernesto. Chi ɓee Bibliaɗe joma jara ɓookaa. ¿Sakayua Dachi Akõreba jãka aseɗaba chi Biblia? ¿Sakayua bereka kawaɗaiba? ¿Kʉ̃ria ɓuẽ semana uruuɗe jãuɗebena beɗeaɗayu?

Ernesto: Maerã mʉa bustai ɓuma, mʉa esperaima.