¿Kãareba Dachi Akõre Kobierno?

Mukĩra Biblia leamaaɓuu edipisio kobiernoɗe kĩrapeta ichi akuɓuumisa.

Yataɗeeɗa ẽbẽrarã aribiaurãba ʉtaa wiɗibadaa Dachi Akõre Kobierno neebiyua. Maamina ¿bichia kãareba mau Kobierno mauɗe kãare aserua dachirã kakua a wiɗiɓue?

KAWASE CHI BIBLIABA JARAƁUU

¿Kãareba Dachi Akõre Kobierno?

Ẽbẽrarã iujãaɗe kobernaburua ʉtʉ bajãareba mauɗe chi rei Jesucristobʉ (Isaías 9:6, 7; Mateo 5:3; Lucas 1:31-33).
¿Kãare aserua mau Kobiernoba?

Nama iujãaɗe joma kachirua barau akabaruu mambea ẽbẽrarã chĩoɗawẽa nibabiai (Daniel 2:44; Mateo 6:10).
¿Kãare jarakʉ̃riaɓua Dachi Akõre Kobiernodu naa jʉrʉruu?

Jãu Dachi Akõre Kobierno omeburu ɓoopeɗa mambea ijãai chi jãu Kobiernoburu nama iujãaɗe mauɗe ʉtʉ bajãaɗe Dachi Akõreba kʉ̃risiaɓuu kĩraka ɓoi jarakʉ̃riaɓua (Mateo 6:33; 13:44).