¿Sakayua Dachi Akõreba idaarabisaa judiorã ãrĩãdu kenasiɗauɗe?
Ẽbẽrarãba nauɗe kʉ̃risia panuuɗe ãchia ne kachirua pasasiɗauɗeeba, jãarãba kauwa kʉ̃risiabadau sakayua mau pasa ɓoosii, mauɗe kãare asei waa nomaa duanaɗaamaaba, mauɗeeba Dachi Akõreɗe kereɗakau. Judiorã ãrĩãdu kenasiɗauɗe, nau Holocausto abadau.
Chi ãyaa kʉ̃risia duanuu waabenarã ẽbẽraba Dachi Akõreɗebena mauɗe chi Holocausto ʉ̃rʉbena
Chi nureeba ãyaa jarabadau: Chi nureeba kʉ̃risiabadau ãchia iɗi panuurã sakayua Dachi Akõreba Holocausto ida pasabi ɓoosiiɗebena jãuba pekao kĩraka ɓuu.
Chi ariɗe ɓuu: Chi ɓee ẽbẽrarã fe karr chaareabadaurãba wiɗi panuu sakayua Dachi Akõreba chi kachirua pasaburuu idaarabibarii. Yataɗeeɗa chi mukĩra Habacucba Dachi Akõremaa wiɗisii: “¿Sakayua bichia mʉʉmaa chi kachirua ɓuu unubi ɓuu?” (Habacuc 1:3). Maka ɓumina Dachi Akõreba iadaabasia, ichia jãka wiɗisiiɗeeba ichiarã nauɗebena Bibliaɗe ɓʉbisii iɗibea dachirãba kawaɗai baita.
Chi nureeba ãyaa jarabadau: Chi nureeba kʉ̃risiabadau dachirã chi puʼua ãrĩã nureeɗebena Dachi Akõremaa importakau.
Chi ariɗe ɓuu: Dachi Akõreba chi kachirua ɓuu mauɗe joma dachi sufribibarii akawa bustakau (Proverbios 6:16-19). Mauɗe Bibliaba jara ɓuu Noé diaɗe, ichi corazón puʼua ãrĩã sentisii nau iujãa jomauɗe kachirua ãrĩã́turu koɓoosiiɗeeba (Génesis 6:5, 6). Mauɗe chi Bibliaba unubi ɓuu chi jãu Holocausto pasasiiɗe mau biɗa chi puʼua ãrĩã sentibisii (Malaquías 3:6).
Chi nureeba ãyaa jarabadau: Chi Holocausto castigo Dachi Akõreɗebena judiorã baita.
Chi ariɗe ɓuu: Siglo primeroɗebenarãɗe, chi romanorãba Jerusalén atacasiɗau, Dachi Akõreba idaarabiɗa baɗa (Mateo 23:37-24:2). Jãware, Dachi Akõreba castigo deawẽa ɓuu maucha ẽbẽrarãmaa. Mauɗe ichi daumaarã “chi judiorã mauɗe judiorãwẽe siɗa ara aɓau nureerã” (Romanos 10:12).
Chi nureeba ãyaa jarabadau: Chi nureeba kʉ̃risiabadau Dachi Akõreba kʉ̃ria ua niibʉrã, chi Holocausto pasaabai ɓoosii.
Chi ariɗe ɓuu: Dachi Akõreba dachi sufribiakau, bariara maka pasa ɓumina (Santiago 1:13; 5:11).
¿Sakayua chi Holocausto Dachi Akõreba idaarabisaa?
Yataɗeeɗebena iɗiiɗaa Dachi Akõreba idaarabi nii ẽbẽrarã chi puʼua ãrĩã nibabarii. Bibliaba jara ɓuu nau iujãaɗe Diabloba joma ichi juaɗe uru kuɓua (Lucas 4:1, 2, 6; Juan 12:31). Bibliaɗe omeɗebenaba jara ɓuu sakayua Dachi Akõreba chi Holocausto idaarabisii.
Dachi Akõreba dachi waukasii dachidu aɓauba ida kʉ̃risiabi ɓuu kãare aseɗayua. Chi nabena ẽbẽra nibapeɗaaɗa, Adán mauɗe Eva, Dachi Akõreba jaraɗa baɗa ãchimaa kãare aseɗayu mauɗe kãare aseɗaabai, maka ɓumina ichia nau asébaɗa jaraabasia. Maamina ãchirãba ãchi kʉ̃risiaɗeeba chi biʼia ɓuu maebʉrã chi miadaa ɓuu ase koɓeesiɗau, mauɗéburu sufrisiɗaa ãrĩã́turu (Génesis 2:17; 3:6; Romanos 5:12). Mauɗeeɗabena, chi ẽbẽrarã ãrĩã́turu sufri nuree ãchia chi kachirua ɓuu asebadauɗeeba. Chi libro aɓauba nauɗebena naka jara ɓuu: “Chi ẽbẽrarãba biʼia ãrĩã kʉ̃risiaɗawẽe chi kãare kachirua ɓuu mauɗe kãare kachiruawẽe ɓuu”. Mauɗeeba ẽbẽrarã aribia sufri duanuu, Jeowaba idaarabi nii chi ẽbẽra aɓaaɓaa ãchi biʼia kʉ̃risiaɗayu baita.
Dachi Akõreba kʉ̃ria ɓuu anikuayua chi kachirua ɓuu pasaɗa baɗa chi Holocaustoɗeeba. Ichia jara ɓuu chi ẽbẽrarã Holocaustoɗe biupeɗaaɗa baɗa waya piradruɗayu. Mauɗe chi Holocaustoɗe pasasiiɗeeba chi ẽbẽrarãba kachirua kʉ̃risiabadau mau olvidabiyua (Isaías 65:17; Hechos 24:15). Mau Jeowaba ẽbẽrarã kʉ̃ria ua niiɗeeba joma ichia jaraɗa baɗa akawa cumpliburuu (Juan 3:16).
Chi ẽbẽrarã Holocaustoɗe pasapeɗaaɗa basmina kĩrajʉʉɗapeɗa ãchi fe karr chaarea nuree. ¿Mau saka pasaɗa basaa? Ãchia kuitaa nureeɗeeba sakayua Dachi Akõreba chi kachirua idaarabibarii mauɗe ichia kãareba ara ɓaʼãraburu aseburua dachi puʼuawẽa duanabiɗai baita.