¿Sakayua chi Jeowa ɗebena Jaranũrẽrãba fiesta cumpleañosɗebena aseɗakaba?
Jeowaɗebena jara nureerãba fiesta aseɗakaa año cumpliburuuɗe, biʼia kuitaa nuree bẽrã Diosba bustakau jãu aseɗayu. Bibliaba jara ɓuuwãe chi cumpleañoɗebena maka ɓumina jara ɓuu kãare kʉ̃risia ɓuu Dachi Akõreba jãuɗebena. Beɗeaɗaika kimareɗebena mauɗe chi Bibliaba jara ɓuuɗebena.
Chi religión setaa jara nureerãba kawabi nuree fiesta aseyu año cumpliburuuɗe abadau. Diccionarioba jara ɓuu kĩra, jãu fiesta empezasiɗau, ãchia ijãabachiɗau chi nii año cumpliburuuɗe “chi jauri kachirua nureeba kachirua ãrĩã bereka ase basiɗau fiesta asebudauɗe” mauɗe “chi amiko kaita unii, naarãba jaraɗayua biʼia wãyu, nauba cuidabarii chi jauri kachiruaɗebena” (Funk & Wagnalls Standard Dictionary of Folklore, Mythology, and Legend). Aɓabena libro yataɗeeɗabenaɗe ɓʉ ɓoosii chi fecha chi ẽbẽra naceeruuɗebena, “chi horóscopo aseyua”. Cha nau libro biɗa jara ɓuu: “Chi ẽbẽrarãba ijãabadau vela cumpleañoɗebena magia bara ɓuuɗeeba mauba aseyua chi ẽbẽraba wiɗibadau” (The Lore of Birthdays).
Bibliaba jara ɓuu chi magia, chi adivinabadau, jaibanarãba waubadau mauɗe “ne joma kachirua mau kĩra ɓee siɗa” (Deuteronomio 18:14; Gálatas 5:19-21). Dachi Akõreba castikaɗa baɗa Babiloniaɗe vivi nureaɗa chi adivinacionɗebena ase basiiɗauɗeeba (Isaías 47:11-15). Chi Jeowaɗebena jara nureerãba kʉ̃risiaɗakamina samabena ʉ̃rʉ ɓuu chi fiestarã aɓaaɓaa, ũriɗawẽe kĩra nureaɗaabai chi Bibliaba jara ɓuuɗebena chi magiaɗebena, adivinación, mauɗe jauri kachiruaɗebena.
Chi naeɗebena cristianorã fiesta cumpleañoɗebena aseɗakabachiɗau. Enciclopedia jara ɓuu kĩra, naeɗebena cristianorãmaa “fiesta cumpleaño aseyu kachirua ɓooɗa basii baara aseburuu chi religión setaa jara nureeɗebena” (The World Book Encyclopedia). Bibliaba jara ɓuu chi apostolerã mauɗe chi Jesús baara nureasiɗaurã asesiɗau Jesusba jaraɗa kĩra jãarã kĩra aseɗayua dachirã siɗa (2 Tesalonicenses 3:6).
Bibliaba jarawẽa ɓuu celebraɗayu aɓa naceeruuɗebena, bari Jesús biuɗaɗebenadu. (Lucas 22:17-20). Chi Bibliaba jara ɓuu “biʼia ɓuu biuruuɗeburu mauɗe dachi naceeruuɗebenarawãe” (Eclesiastés 7:1). Jesús biui naeɗe biʼia aseɗa basia Dios daaɗe mauɗeeba ichi biusíturu importante ãrĩã ɓoosii ichi naceɗa kãyabara (Hebreos 1:4).
Bibliaba jarawẽa ɓuu chi Jeowa baita trajabadau ichi cumpleaño celebrabariiɗebena. Bari Bibliaba jara ɓuu cumpleaño ome asepeɗaaɗa baɗa Jeowa baita traja nureerãwãeɗebena. Bibliaba jara ɓuu nau cumpleaño ome asesiɗauɗe kachirua ɓee pasapeɗaaɗa baɗa (Génesis 40:20-22; Marcos 6:21-29).
¿Makarã chi Jeowaɗebena jara nuree warrarã biʼia ãrĩã ɓee perde duanubaaka cumpleaño aseɗawẽeɗeeba?
Jeowaɗebena jara nureerã akõre bia ãrĩã duanuu mauɗe chi warrarã chi kʉ̃ria ãrĩã. Mauɗeeburu, rekalo deabadau barikiau diaɗe mauɗe fiesta asebadau biʼia ãrĩã kĩrajʉʉ vivi nibai baitabena. Ara Dachi Akõre kĩra ase nurea, chi biʼia ɓee dea nuree noremaacha (Mateo 7:11). Chi Jeowaɗebena jara nureerã warrarã kʉ̃risiaɗakaa cosa biʼia ɓuu perde nuree. Chi nureeba naka jarabadaa:
“Dachia rekalo deabudauɗe adua nibaɗaɗe kĩrajʉʉ ãrĩã nibabaria” (Tammy, 12 año nii).
“Mʉ akõrerãba rekalo deaɗakau año cumpliiruuɗe, barikiau diaɗeburu deabadau mʉa bustabarii jãkaburu” (Gregory, 11 año nii).
“Chi warra chekerã torta koɗapeɗa kãribadaa. Jãka ɓee fiesta mʉa bustakaa, mʉ deɗe asebadau jã́turu biʼia ɓua” (Eric, 6 año nii).