¿Chi nejarra adauyua jemene nibayu, miadaa ɓubaaka?

Bibliaba panau ɓua

Bibliaba jarawẽmina chi nejarra adaui baita jemeneyu, maka ɓumina biʼia jaradea ɓuu jãu kachirua ɓuu Dachi Akõre baita (Efesios 5:17).a

• Ẽbẽrarã chi nejarra adaui baita jemenebudauɗe jãu Jeowaba iadaabaria ãchia ãrĩã chi nejarra barau kʉ̃ria nureeɗeeba (1 Corintios 6:9, 10; Efesios 5:3, 5). Chi jemenebarii niiba chi nejarra waabenarãɗe aude adau kʉ̃ria nia, maka ɓumina chi Bibliaba jara ɓuu dachia chi nejarra waabenarãɗe adau kʉ̃ria ɓuubʉrã jãu miadaa ɓuu (Éxodo 20:17; Romanos 7:7; 13:9, 10).

• Dachia ɓiɗĩika chi nejarra kakua jemene panuumina, jãuba chi nejarraɗeburu kʉ̃risia ɓeebiyua (1 Timoteo 6:9, 10).

• Chi ɓee ẽbẽrarãba nejaraɗebenaɗe kʉ̃risiabadau jemenei naeɗe, nejaraɗeburu kʉ̃risia bapeɗa jemeneɗai baita, ãchi kʉ̃risiaɗeeba jãka ase panuu diosmaa wiɗiiruu kĩraka aiɗa panabiɗayua. Mau Jeowaba bustakau. (Isaías 65:11).

• Bibliaba jara ɓuu chi nejarra adauɗai baita chaarea trajaɗayua (Eclesiastés 2:24; Efesios 4:28). Naka ase panuurã, dachia ne joma nesita kuɓuuɗebena neɗoyua dachi trajoɗeeba (2 Tesalonicenses 3:10, 12).

• Dachia chi nejarra kakua jemenesiɗarã kʉ̃risiaburuu dachi junebena kãyabãra aude mechia nuree unubiyua. Jãu dachi baita biʼiwẽe ɓuu mauɗe Bibliaba jara ɓuu jãu kachirua ɓuu (Gálatas 5:26).