• ¿Samareeba ĩpaasaa joma cha barau?
    Saka kĩrajʉʉ biuwẽa nibaiba Bibliaɗebena kawaniiba

    • 3. ¿Saka diwara ɓua chi ãnimararã mauɗe ẽbẽrarã ome?

      Chi iujãa wauɗakare, Jeowaba wausii joma eɗa nureerã. Naa, wausii kiɗuarã, bakururã mauɗe ãnimararãɗeeɗa. Maaɗakare “Dachi Akõreba wausii chi ẽbẽra ara ichi kĩraka” (Génesis 1:27 leas). ¿Saka dachirã diwara nurea ãnimararãɗeeba? Dachi Akõreba dachirã ichi kĩra wauɗa bẽrã, jãuɗeeba waabenarã kʉ̃riaɗapeɗa mauɗe jipa nureaɗayua. Ichia dachi waukasii dachirã biɗa junebenarã beɗea kawaɗai baita, kawa unuɗai ɓua chi kĩrawãrea ãrĩã ɓuu, biʼia ãrĩã ũriɗai ɓua chi chaa koɓee siɗa. Mauɗe, dachi ãnimararãɗeeba diwara nuree bẽrã, dachia Dachi Waukaɗa baɗa kʉ̃riaɗayua.