• Bichi Jeowa ome amiko nibai ɓua
    Saka kĩrajʉʉ biuwẽa nibaiba Bibliaɗebena kawaniiba
    • Lesion 8. Mukĩra nii parqueɗe akauɗe jãka kiruu maabea ʉtʉ bajãaɗaa ochiamaa ɓuu.

      LESION 08

      Bichi Jeowa ome amiko nibai ɓua

      Jeowaba kʉ̃ria ɓua bichia ichi ʉ̃rʉbena biʼia kawai. ¿Sakayua? Dachi Akõreba kuitaa ɓua bichia ichi ʉ̃rʉbena waaburu aude kawa kʉ̃ria ɓeerã, bichi ichi ome amiko ba kʉ̃ria ɓeeyua. ¿Maamina Dachi Akõre ome amiko nibai ɓue? (Salmo 25:14 leas). ¿Kãare aseiba bichia? Bibliaba jaradea ɓua kãare aseɗayu mauɗe jara ɓua sakayua Jeowadu dachi amiko bia ãrĩã kiɗii.

      1. ¿Jeowaba saka kʉ̃ria ɓua ichi baare nureaɗai baita?

      “Dachi Akõre kaita nésturu, makarã ichi machi kaita neei” (Santiago 4:8). ¿Kãare jara kʉ̃ria ɓua jãarã beɗearã? Jeowaba bichi ichi amiko babii kʉ̃ria ɓuu. Chi nuree baita chaarea ãrĩã ɓua amiko nibai ẽbẽra poyaa unuwẽe ome, mauɗe Dachi Akõre ome biɗa amiko poyaa ɓoobai a kʉ̃risiabadaa. Maamina, Bibliaɗe jara ɓuu, ichi saka nii ichi kaita panaɗai baita. Dachirãba Biblia leabudauɗe Dachi Akõreba jara ɓuuɗebena, dachirã ichi ome amiko panee ɓuu bariara unuɗawẽmina.

      2. ¿Sakayua Jeowadu amiko bia kiɗia dachirã baita?

      Jeowaburu bichi aude chi kʉ̃ria. Ichia kʉ̃ria ɓua bichi kĩrajʉʉ nibayua mauɗe bichia nesitaburuuɗe ichi jʉrʉyua. Preokupaburuuɗe, ichimaa jarai ɓua ichia bichi “ochia ua keraabariiɗeeba” (1 Pedro 5:7). Jeowa jãma ɓoabarii ichi amikorã baita aiɗapeɗa, kĩrajʉʉbipeɗa mauɗe ũrikuayua (Salmo 94:18, 19 leas).

      3. ¿Kãare kʉ̃ria ɓua Jeowaba ichi amikorãba aseɗayua?

      Jeowaba ẽbẽrarã joma chi kʉ̃ria, maamina “ichi kaita ɓuu chi jipa duanuurã ome” (Proverbios 3:​32). Jeowaba kʉ̃ria ɓuu ichi amikorãba bereka aseɗayua ichi baita biʼia ɓuu, mauɗe ãchirãba aseɗaabai chi ne miadaa ãrĩã ɓuu ichi baita. Chi nureeba kʉ̃risiabadau poyaa aseɗaabai ɓuu chi Dachi Akõreba wiɗi ɓuu, maamina ichia kuitaa ɓuu dachirãba kãare aseɗai ɓee, ichia ida neebia ɓuu chi ẽbẽrarãba ase panuu ichia kʉ̃ria ɓuu (Salmo 147:11; Hechos 10:34, 35).

      AUDE KAWABA

      Waaburu kawaɗaika saka Jeowa ome amiko nureaɗai ɓuu mauɗe sakayua amiko ichi kĩra nii wãʼãeba.

      4. Abrahán Jeowa amiko basia

      Bibliaba jara ɓuu Abrahán Jeowa amiko baɗa, jãuba jaradea ɓuu dachirãmaa biɗa saka ichi amiko nureaɗai ɓuu. Leas Abrahán ʉ̃rʉbena Génesis 12:1-4ɗe, mambea nau ʉ̃rʉbena beɗeasturu:

      • ¿Kãare aseyu jarasaa Jeowaba Abrahanmaa?

      • ¿Jeowaba kãare jarasaa ichia deai apeɗa?

      • ¿Kãare asesaa Abrahanba Jeowaba ichimaa aseyu jaradeaɗakare?

      5. Jeowaba ichi amikorãmaa aseyu jara ɓuu

      Dachirãba kʉ̃ria panuu chi amikorãba dachirã kakua kosarã aseɗayua.

      • ¿Kãare kʉ̃ria ɓua amikorãba bichi kakua aseɗai?

      1 Juan 5:3 leaɗapeɗa, mambea nau ʉ̃rʉbena beɗeasturu:

      • ¿Kãare kʉ̃ria ɓua Jeowaba ichi amikorãba ichi kakua aseɗayua?

      Dachia Jeowaba kʉ̃ria ɓuu aseɗayua, kosarã kachirua ɓee ɓuibaraaɗai mauɗe ẽbẽra biarã kirureaɗai. Isaías 48:17, 18 leaɗapeɗa, mambea nau ʉ̃rʉbena beɗeasturu:

      • ¿Jeowaba sakayua ichi amikorãmaa wiɗi ɓua ne miadaa ɓee ɓuiɗayua?

      De waubarii niiba chichoromaa jũbadau dea kubuu kõpaeromaa ichi trajoɗebena.

      Amiko biʼia kiɗiiba jara ɓuu kãare aseɗayua kosa miadaa ɓuu pasaamaaba mauɗe biʼia kãribai baita. Jeowaba ara maka asebaria ichi amikorã baare.

      6. Saka Jeowaba aiɗabaraa ichi amikorã

      Jeowaba ichi amikorã aiɗa ɓuu jãarã problema duanuuɗe. BIDEO ochiaɗapeɗa, mambea nau ʉ̃rʉbena beɗeasturu:

      BIDEO: Jeowa neesia mʉ karibaɗe (3:20)

      • ¿Jeowaba saka aiɗa ɓua wẽra nii ichia kachirua kʉ̃risia kuɓuuɗe?

      Isaías 41:10, 13 leaɗapeɗa, mambea nau ʉ̃rʉbena beɗeasturu:

      • ¿Jeowaba kãare asei jara ɓua ichi amikorã kakua?

      • ¿Bichia kerea ɓue Jeowa amiko biʼia kiɗii nibai ɓuu? ¿Sakayua?

      Dibujorã didiwaraa ɓee: Dibujorã amikorã ãchi chiya aiɗa duanuu. 1. Mukĩra niiba aɓabena ũkuru aiɗa ɓuu mesa mechia ɓuu ʉtʉ jirai baita. 2. Wẽra niiba aɓabena wẽramaa ichi corazonɗeeba kãare senti ɓuu nebʉrʉmaa ɓuma. 3. Mukĩra niiba ũkuru aiɗa ɓuu aɓabena muletaɗeeba ãda kãriɗau.

      Amiko biʼia kirureerã jãma panabarii bichia nesita kuɓuuɗe. Jeowaba ara maka aseburua bichi kakua.

      7. Jeowa ome amiko nibai baita ichi ome beɗeabaraaɗai

      Dachirã dachi amikorã ome beɗeabudauɗe, ãchi ome jʉ̃kaa ãrĩã nureaɗai ɓuu. Salmo 86:6, 11 leaɗapeɗa, mambea nau ʉ̃rʉbena beɗeasturu:

      • ¿Saka beɗeaɗai ɓua dachi Jeowamaa?

      • ¿Jeowa saka beɗea ɓua dachirãmaa?

      Dibujorã didiwaraa ɓee: 1. Wẽra niiba ʉtaa wiɗimaa ɓuu. Ichi boro ʉ̃rʉ flecha kuɓuu ʉtʉ wãmaa ɓuu. 2. Wẽra niiba Biblia leamaa ɓuu. Ichi boro ʉ̃rʉ flecha kuɓuu ʉtʉ wãmaa ɓuu.

      Dachirãba beɗeabadau Jeowamaa ʉtaa ichimaa wiɗibudauba, mauɗe ichi dachi ome beɗea ɓuu Bibliaɗeeba.

      CHI NUREE ẼBẼRARÃBA NAKA JARABADAA: “Jeowa ome amiko poyaa nibaɗaabai”.

      • ¿Sãu texto unubii ɓua jarai baita dachirã Jeowa ome amiko nureaɗai ɓuu?

      NAU KAWASIƊAA

      Jeowaba bichi amiko nibai kʉ̃ria ɓuu mauɗeeba aiɗayu ichi jʉ̃kaa nibai baita.

      Waya berreaɗaika

      • ¿Jeowaba saka aiɗabaraa ichi amikorã?

      • ¿Sakayua Jeowaba jara ɓua ichi amikorãmaa ne miadaa iɗa ɓuɗai baita?

      • ¿Jeowaba ichi amikorã aseyu jara ɓue chi ãchia poyaa aseɗaabai ɓee? ¿Sakayua maka kʉ̃risia ɓua?

      Nau aseba

      NAU OCHIAS MAUCHABURU KAWAYUA

      ¿Sakayua biʼia ãrĩã ɓua bichi baita Dachi Akõre jʉ̃kaa niibʉrã?

      “Jeowa jãu Akõre jãdu bayu biʼia unuɗayua” (Chi Kartaba, 15 febreroɗe 2003ɗebena)

      Kawaba bichi saka amiko Dachi Akõreɗe bai ɓuu.

      “¿Saka mʉ amiko Dachi Akõreɗe bai ɓua?” (Chi kũudrãarã awẽrarã omeba wiɗi panuu. Chi panau ɓee [Libro 2], capítulo 35)

      Kawaba sakayua wẽra aɓa niiba jarasii Dachi Akõre jʉ̃kaa niibʉrã jãuba aiɗasii ichi biuumaaba.

      “¡Mʉ biui kʉ̃riawẽe nibasia!” (Chi Kartaba, 2017ɗebena chi 1)

      Ũriba chi nureerã kũudrãarãba jarabadau Jeowaɗebena.

      ¿Saka Jeowa ome nibayu? (1:46)

  • Bautizayu: jãu ariɗe ase ɓua
    Saka kĩrajʉʉ biuwẽa nibaiba Bibliaɗebena kawaniiba

    • 6. Bautizaɗakare, dachi Jeowa puuruɗe babaria

      Bautizaɗakare, dachi Jeowa puuruɗe babaria, jãu puuru ãbua duanapeɗa nau iujãa jomauɗe kuɓua. Bariara june ãyaa neeburuu adua, makawẽebʉrã june ẽbẽra ãyaa nii adua, kerea duanua ara aɓa ɓuudu maabea wau duanuu ara jari chi Bibliaɗe jara kuɓuu kĩra. Salmo 25:14 mauɗe 1 Pedro 2:17 leaɗapeɗa, mambea nau ʉ̃rʉbena beɗeasturu:

      • Cha naarã versiculorãɗe jara ɓee kĩra, ¿sakayua biʼia ɓua bautizaɗayu?

      Diujorã nawekau bautizaɗa baɗa nii kĩrajʉʉ ãrĩã nii kʉ̃risia awa kuɓuu ara kaita kuɓuu ãbarã congregacionɗebenarã ome: 1. Jaramaa ɓuu ara ichiɗebena nawekaumaa. 2. Nawekau dawara nii aiɗa tʉabimaa ɓuu. 3. Komaa ɓuu chiko ãbarã kũudrãarã mauɗe dawara nureerã baara. 4. Jaradeamaa ɓuu mukĩra aɓa niimaa nawekau omeeba. 5. Foto tomamaa ɓuu nawekau ome asambleaɗe aɓa ẽbẽra wẽra mauɗe aɓa kapunia wẽra.
  • ¿Dachi Akõreba kãare kʉ̃ria ɓua dachirã baita?
    Saka kĩrajʉʉ biuwẽa nibaiba Bibliaɗebena kawaniiba

    • 2. ¿Saka kĩrajʉʉ duanaɗai ɓua nakaeɗeeɗa?

      Jeowaba dachirã waukasia ichi kʉ̃riaɗapeɗa ũriɗayu mauɗe waaburu ichi ʉ̃rʉbena kawaɗai iɗaa (Mateo 5:3-6 leas). Dachi Akõreba ichi amiko kirureaɗai ãrĩãdu kʉ̃ria ɓua, “ichi oɗeburu” ãda duanaɗai, dachia ichi kʉ̃riaɗapeɗa mauɗe corazonɗeeba ichi baita trajaɗayu (Deuteronomio 10:12; Salmo 25:14). Nau joma aseɗarã, dachi kĩrajʉʉ duanaɗai ɓua problemarã barau adua. Dachia Jeowa kʉ̃riaɗapeɗa mauɗe ichi Beɗea ũribudauba kĩrajʉʉ ãrĩã duanubi ɓua.