Chi nuree baita Biblia kawayua chaarea ãrĩã ɓua. Bariara maka ɓuu siɗa, dachia berekapeɗa kawaɗai ɓuubʉrã biʼia ãrĩã ɓua dachirã baita. Mau bichia kʉ̃risiaburuubʉrã: “¿Mʉ waaburu kawa kãribaɗe wãi ɓubaaka?” ¿Sakayua biʼia ɓua bereka kawai baita? ¿Kãareba aiɗai ɓua waaburu kawa nibayu bariara problema barau adua?

1. ¿Sakayua biʼia ɓua kawa nibai baita Bibliaɗebena?

“Dachi Akõre beɗea chokae ɓuuka ɓuu mauɗe poder ãrĩã ira ɓuu” (Hebreos 4:12). Chi Biblia jãu biʼia ãrĩã ɓua, jãma jara kuɓuu chi Dachi Akõreba kʉ̃risia ɓuu mauɗe ichia bichi kʉ̃ria ãrĩã nii. Bichia ãrĩãdu kawayua. Bichi biʼia ãrĩã nibaɗe wãyua, mauɗe kawayua chi biʼia ɓee uruburuu. Mauɗe chi aude biʼia ãrĩã ɓuura, chi Bibliaba bichi amiko babiyua Jeowa ome. Bichi chi Bibliaɗebena kawaburuuɗe kĩrajʉʉ ãrĩã nibayua.

2. ¿Sakayua biʼia ɓua chi Bibliaba jara ɓuu?

Chi biawãrarabena chi Bibliaba jara ɓuu ne kĩraka ɓuu. Jãuɗéburu chi Bibliaba jara ɓua: “Chi biawãrarabena ɓuu nedoba maabea mau nedobʉerã́se” (Proverbios 23:23). Kawabudaubʉrã chi Bibliaɗe wãrabena kuɓuu mau biʼia ãrĩã ɓuu, bariara dachi problema baraa ɓuu siɗa waaburu kawaɗayua (Proverbios 2:​4, 5 leas).

3. ¿Jeowaba saka aiɗai ɓua bichi waaburu kawai baita?

Jeowa joma inia chi poder, ichia bichi waupeɗa mauɗe bichi amiko bẽrã, ichia biʼia ãrĩã unu nia mauɗe aiɗa kʉ̃ria ɓua bichia waaburu kawayua ichiɗebena. Dachi Akõreba “aiɗakuabarii machi ase kʉ̃ria panuu aseɗai baita mauɗe chaarea nibabii ɓua” (Filipenses 2:13 leas). Makarã, koʼoabariibʉrã kawayu mau chaarea ãrĩã ɓuubʉrã jari chi Bibliaba jara ɓuu kĩra, ichia aiɗayua. Bichi poyaabai ãrĩã senti ɓuubʉrã problema baraa kuɓuuɗe, ida kawabiɗa kʉ̃riawẽebʉrã ichiɗebena, ichia bichi chaareabiyua. Ida ɓurã́se wiɗiyu Jeowamaa waaburu kawayua Bibliaɗebena (1 Tesalonicenses 5:17).

AUDE KAWABA

4. Chi Bibliaɗebena kawai baita importante ãrĩã ɓooyua bichi baita

Ɓooyua dachi kosarã ãrĩã asei baita, ɓoobaria chaarea ɓuu chi tiempo jʉrʉi baita Bibliaɗebena kawayua. ¿Kãare aseɗai ɓua? Filipenses 1:10 leaɗapeɗa, mambea nau ʉ̃rʉbena beɗeasturu:

• Bichi baita, ¿kãareba “chi kosarã aude importante ɓee”?

• ¿Kãare asei ɓua chi kawayu Bibliaɗebena importante ãrĩã ɓooyu bichi baita?

1. Chi ibudu naa baldeɗaa kuɓuuruubʉrã, makarã chi mo eɗa koɓooi baita wãʼãe bai ɓuu.

2. Maka ɓumina chi mo naa kuɓusiɗarã baldeɗaa makarã chi ibu baita eɗa koɓooi ɓuu. Ara jãka, naa aseeruubʉrã “chi importante ɓuudu”, maabea tiempo ɓeeyua waabenarã baita biɗa.

Jomaurã dachi ẽbẽrarãba nesita duanua Dachi Akõreɗebena kawaɗayua maabea ichi kʉ̃riaɗayu, nau baitaburu waukaɗa basia mauɗéburu Bibliaɗebena kawabaraaɗai. Mateo 5:3 leaɗapeɗa, mambea nau ʉ̃rʉbena beɗeasturu:

• Dachi waaburu kawaɗaibʉrã chi Bibliaɗebena, ¿saka wãɗai ɓua?

5. Naa kãribaɗe wãba waabenarãba kʉ̃riaɗawẽe siɗa bichia kawayu

BIDEO: Ara ɓoosia waaburu naa tʉayu (5:22)

• Francescoba chi deɗabenarã mauɗe chi amikorãmaa jarasiiɗe chi Bibliaɗebena kawamaa ɓuuɗe, ¿ãchirãba kãare jarasiɗaa?

• ¿Sakayua biʼia ɓoosaa ida ɓuwẽa chi Bibliaɗebena kawa nibaɗe wãyu?

2 Timoteo 2:24, 25 leaɗapeɗa, mambea nau ʉ̃rʉbena beɗeasturu:

• ¿Kãare kʉ̃risia panaa bichi deɗabenarãba bichia Bibliaɗebena kawamaa ɓuuɗe?

• Cha jara ɓuu kĩraka nau versiculorãɗe, chi nureerãba kʉ̃riaɗawẽebʉrã bichi Bibliaɗebena kawayu, ¿bichi saka koɓeeiba? ¿Sakayua?

6. Kʉ̃risiayu Jeowaba mʉ aiɗayu

BIDEO: Jeowaba aiɗabarii chi kosa miadaa ɓee ida ɓui baita (3:56)

• Jari jara ɓuu kĩra bideoba, ¿kãare ida ɓuibasaa Jimba chi Jeowaba jara ɓuu aseyua?

• ¿Kãaredu aude bustasaa chi Jimba asesii?

Hebreos 11:6 leaɗapeɗa, mambea nau ʉ̃rʉbena beɗeasturu:

• ¿Kãare aseiba Jeowaba jomaurã “ichi kauwa jʉrʉ duanuurã ome”, jaraibʉrã, joma jari bereka duanuu ichiɗebena kawaɗapeɗa ichi kĩrajʉʉbiɗayua?

• ¿Saka kʉ̃risia ɓoobaama Jeowaba unuuruuɗe bichia Bibliaɗebena kawa kãriiɗe?

NAU KAWASIƊAA

Bariara chi Biblia kawayu chaarea ɓuu siɗa, bichi nauba aiɗai ɓua biuwẽa nibayua. Bichi apii Jeowaɗe ijãa nii baaruubʉrã ichia aiɗayua, ichia kosa biʼia ɓee deayua.

Waya berreaɗaika

• ¿Sakayua biʼia ɓua chi Bibliaba jara ɓuu biawãrarabena ne kĩra ɓua?

• Bichia “kosarã importante ãrĩã ɓuu” kawasiiɗe, ¿kãare aseyuba?

• ¿Bichia kãare ʉtaa wiɗiiba Jeowamaa bichi waaburu kawai baita chi Bibliaɗebena?

NAU SIƊA OCHIAS MAUCHABURU KAWAYUA

Kawaba chi kimare ɓuuba beɗea bia ɓee ʉ̃rʉbena chi ẽbẽrarã aiɗa ɓuu chi tiempo perdeɗaamaaba.

“Saka dachi tiempo biʼia ãrĩã adauyu” (¡Despertad!, febrero 2014ɗebena)

Wẽra aɓa niiba ase kʉ̃riasii chi Dachi Akõreba busta nii. Maamina, chi kimaba kawaabasii joma ichia asemaa ɓoosii. Kawaba saka Jeowaba ichi aiɗasii.

Jeowaba dachi ãrĩã chaareabipeɗa choroaɗai baita chi problema bara panuu (5:05)

Unuse wẽra aɓa niiba saka berekasii chi kima aiɗai baita.

Kawa kʉ̃ria ɓuaɗa chi jara panuuɗebena wãrabena ɓuu (6:30)

Ɓoobaria chi nuree ẽbẽrarãba jarabadau chi Jeowa ɗebena Jaranũrẽrãba chi deɗabenarã dañabadau. ¿Mau wãrabena ɓubaaka?

“¿Chi Jeowa ɗebena Jaranũrẽrãba chi deɗabena awara ɓuebaɗae, maebʉrã ãbua duanabarika?” (Artículo jw.org ɗebena)

Jomaurãba kʉ̃risiabaraaɗai kãare aseɗayu. Mauba biʼia ɓua dachirã baita mauɗe dachi Jeowa ome jʉ̃kaa duanaɗai baita biɗa. Maubapeɗa, dachirãba kauwa kʉ̃risiabaraaɗai sama duanaɗayu, kãareba duanaɗai ɓuu mauɗe dachi kimabaraaɗai baita. Naarã dachia biʼia ãrĩã aseɗai baita kʉ̃risiaɗarã, kĩrajʉʉ duanaɗayua mauɗe Jeowa kĩrajʉʉbiɗai ɓua.

1. ¿Saka aiɗai ɓua Bibliaba naa kʉ̃risiaɗapeɗa chi biʼia ɓuu asei baita?

Jeowamaa aiɗayu wiɗíbaɗa asei naeɗe. Maabea jʉrʉɗaika Bibliaɗe kãare kʉ̃risia ɓuu ichia jãuɗebena (Proverbios 2:​3-6 leas). Ɓesesɗe Jeowaba jara ɓuu kãare asei baita. Mauɗeeba, chi bichia aude biʼia aseibʉrã ichi beɗeadu ũribaraai.

Mauɗe chi Bibliaɗe kãare aseyu ariɗe jarawẽa ɓuubʉrã, ¿kãare aseɗaiba? Jeowaba bichi biʼia odoepeɗa “chi oɗe” biʼia wãyua (Isaías 48:17). ¿Sakaba mau? Jeowa kʉ̃risiaɗebenaba dachirã aiɗa ɓuu. Bibliaɗeeba dachia kawaɗai ɓua Jeowaba kãare kʉ̃risiapeɗa kãare sentibarii. Nauɗebena kawaɗai ɓua dachia chi Bibliaba nebʉrʉ ɓua leabudauɗe. Dachia kawabudauɗe kãare kʉ̃risiabarii Jeowaba, dachimaa biʼia asebi ɓua chi ichia bustabarii.

2. ¿Dachia kãareɗe kʉ̃risiabaraaɗai aseɗai naeɗe?

Bibliaba jarabarii “chi biʼia kʉ̃risiabarii niiba kauwa ochiabaria ichi saka ãda nibayu” (Proverbios 14:15). Nauba jara kʉ̃ria ɓuu dachia joma asei baita naeɗe aka noɓeepeɗa kʉ̃risiabaraaɗai chi kãare asei barauɗebena. Naa bichi du aɓauba kʉ̃risiaba: “Chi Jeowaba kʉ̃risiabariiɗebena Bibliaɗe kuɓuu, ¿mauba saka mʉ aiɗai ɓua? ¿Mʉa naka aseeruubʉrã mʉ saka ɓeeima? ¿Chi mʉa aseburuuba saka waabenarã sentibiai ɓua? Mauɗe, chi aude biʼia ɓuu, ¿nauba Jeowa kĩrajʉʉbi ɓue?” (Deuteronomio 32:29).

Dachi Akõreba jaraiɗe kuɓua kãare biʼia ɓuu mauɗe kãare miadaa ãrĩã ɓuu. Dachirãba biʼia kawaɗarã ichi leyrã mauɗe ichia kʉ̃risia ɓuu, ichi beɗea ũriɗarã, nauba dachirãmaa kʉ̃risiabiyua kãare biʼia ɓuu mauɗe kãare biʼiwẽe ɓuuɗebena. Aɓaaɓaarã dachi boroɗe chi kʉ̃risia eɗa duanuu, mauba jara ɓua kãare biʼia ɓuu maebʉrã kãare miadaa ɓuu ʉ̃rʉbena (Romanos 2:​14, 15). Naa biʼia kʉ̃risiaɗarã biʼiaburu aseɗai.

AUDE KAWABA

3. Chi Bibliaba jara ɓuu aseba

BIDEO: Jeowa kʉ̃risia ɓuu Bibliaɗe kuɓuuba dachirã aiɗayua samare wãuriɗayu (5:54)

• ¿Sakayua dachi du aɓauba kʉ̃risiaɗai ɓua kãare aseɗayu?

• ¿Sakayua Jeowaba dachi du aɓauba ida kʉ̃risiabi ɓua kãare aseɗai baita?

• ¿Kãare deɗeka ɓua Dachi Akõreba dachirã aiɗai baita biʼia aseɗayu?

Jeowaba saka kʉ̃risia niiɗebena kawaɗai baita, Efesios 5:​15, 16 leábaɗa. Mambea beɗeasturu saka “biʼia ãrĩãdu aseɗai ɓuu chi tiempo bara panuuɗe”...

• ... chi Biblia noremaacha leaɗai baita.

• ... kima, akõre maebʉrã warr bia nibai baita.

• ... reunionɗaa wãuriɗai baita.

4. Waaburu biʼia kʉ̃risiaba ne bia asei baita

BIDEO: “Kapichia dachi kʉ̃risia ne kachiruaswãe koɓéebaɗa” (5:13)

• Nau bideoɗeebara, ¿kãare asesaa chi nawekauba ichi kʉ̃risiaɗe biʼia asei baita mauɗe Jeowa kĩrajʉʉbii baita?

¿Sakayua dachia aɓabena ẽbẽramaa wiɗiɗaabayua kãare aseɗai baita dachirãba? Hebreos 5:14 leaɗapeɗa, mambea nau ʉ̃rʉbena beɗeasturu:

• Bariara fácil ɓumina dachia aɓabenamaa wiɗiɗayu kãare aseɗayua, ¿sakayua aɓaaɓaarã baita ara ɓua kuitaaɗayua chi bia ɓuu aseyu ʉ̃rʉbena?

• ¿Kãare aiɗai ɓua waaburu biʼia kʉ̃risiaɗayua mauɗe chi biʼia ɓuu aseɗai baita?

5. Chi waabenarãba kʉ̃risia duanuuɗebena, dachia respetabaraaɗai

Dachi jomaurã diwara kiruree bẽrã, dachirã biɗa diwara kʉ̃risia duanuu. ¿Saka dachirãba respeto unubi duanaa chi waabenarãba aseɗai kʉ̃risia duanuu kakua? Ochiaɗaika ome panuuɗebena.

Nau pasaburuuɗe 1: Nawekau niiba pantalón jʉ̃barii nii, maabea wãsii junebena puuruɗaa aria pantalón jʉ̃ɗakau.

Romanos 15:1 mauɗe 1 Corintios 10:23, 24 leaɗapeɗa, mambea nau ʉ̃rʉbena beɗeasturu:

• Naarã versiculorã leapeɗaaɗakare, ¿kãare saka kʉ̃risiai ɓua chi nawekauba? Bichia ase kʉ̃ria ɓuu maamina chi ẽbẽrarã bichi jʉ̃kaa duanuurãba jãu aseɗai bustaɗakauɗe, ¿kãare asei ɓua?

Nau pasaburuuɗe 2: Ãba niiba kuitaa ɓua Bibliaɗeeba dachirã itua doɗai ɓuu maamina ɓiɗĩikaburu; makarã chi ãbaba kʉ̃risia koɓeesii jãabera itua akawara dowẽe bayu. Earaɓa, ãbua beɗeakuaɗayua jarasiɗaa, mauɗe ichia aria unu ɓuu ãbarã itua do kãrii panuu.

Eclesiastés 7:16 mauɗe Romanos 14:1, 10 leaɗapeɗa, mambea nau ʉ̃rʉbena beɗeasturu:

• Naarã versiculorãba jara ɓuuɗeebara, ¿kãare saka kʉ̃risiai ɓua chi ãbaba? Chi ẽbẽra niiba bichia bustakau aseeruu unuburuuɗe, ¿bichia kãare asei ɓua?

¿Kãare saka asebaraaɗai dachia kʉ̃risiaɗapeɗa biʼia aseɗai baita?

1. Jeowamaa wiɗis aiɗai baita kãare aseyu kuitaa (Santiago 1:5).

2. Jʉrʉs Bibliaɗe mauɗe kartarã Bibliaɗebenaɗe kãare kʉ̃risia ɓua Dachi Akõreba dachi biʼia aseɗai baita. Mauɗe dawaraurã kuitaa ɓuurãmaa wiɗiɗai ɓua.

3. Kʉ̃risias bichia saka kʉ̃risia ɓeeruu mauɗe waabenarã biɗa saka kʉ̃risia kopaneebudau.

NAU KAWASIƊAA

Dachia biʼia kʉ̃risiaɗayua kãare aseɗayu kawaaruuɗe Jeowaba saka kʉ̃risiabarii chi dachia aseɗa kʉ̃ria kopanuu ʉ̃rʉbena, mauɗe kʉ̃risiaɗarã chi dachia asebudauba waarã aiɗayua maebʉrã nomaa sentibiɗai.

Waya berreaɗaika

• ¿Saka bichia Jeowamaa bustai ɓuu asei ɓua?

• ¿Bichia saka waaburu biʼia kʉ̃risiai ɓua chi biadu aseyua?

• ¿Bichia saka unubiai ɓua waabenarãmaa chi ãchia kʉ̃risia panuu respeta ɓuu?

NAU OCHIAS MAUCHABURU KAWAYUA

¿Bichi saka biʼia aseyua Dachi Akõre ome biʼia ãda nibai baita?

“Chi kĩra jipa aseba Dachi Akõre ome ãdai baita” (Chi Kartaba, 15 abrilɗe 2011ɗebena)

Biʼia kawas Jeowaba saka jaradeɗeka ɓuu ʉ̃rʉbena.

Jeowaba ichi puurumaa jaradeɗeka ɓoabaria (9:50)

Kawas kãareba aiɗasii mukĩra nii ichia asei baita chaarea ãrĩã ɓuu ʉ̃rʉbena.

Jeowaba dachimaa joma biʼia ɓeedu deayua (5:51)

Biʼia ãrĩã kawas saka Jeowa kĩrajʉʉbiyua ichia dachimaa kãare ariɗe aseyu jarawẽeɗe.

“¿Nesita panabaree dachirãba Bibliaɗe joma asei baita jaradea ɓuuɗebena?” (Chi Kartaba, 1 diciembreɗe 2003ɗebena)