3. ¿Kãare kʉ̃ria ɓua Jeowaba ichi amikorãba aseɗayua?

Jeowaba ẽbẽrarã joma chi kʉ̃ria, maamina “ichi kaita ɓuu chi jipa duanuurã ome” (Proverbios 3:​32). Jeowaba kʉ̃ria ɓuu ichi amikorãba bereka aseɗayua ichi baita biʼia ɓuu, mauɗe ãchirãba aseɗaabai chi ne miadaa ãrĩã ɓuu ichi baita. Chi nureeba kʉ̃risiabadau poyaa aseɗaabai ɓuu chi Dachi Akõreba wiɗi ɓuu, maamina ichia kuitaa ɓuu dachirãba kãare aseɗai ɓee, ichia ida neebia ɓuu chi ẽbẽrarãba ase panuu ichia kʉ̃ria ɓuu (Salmo 147:11; Hechos 10:34, 35).

Joma ẽbẽrarãba unu kʉ̃ria panuu amikorã jipa nureerã, Jeowaba kʉ̃ria ɓuu ichi amikorã siɗa kĩra jipa nureaɗai baita. Dachi kĩra jipa nibai baita chaarea ɓuu nau iujãaɗe ẽbẽrarã ãrĩãrãba waabenarã setaaba kũruabadauɗeeba. ¿Sakayua biʼia ãrĩã ɓuu dachi jipa nibaɗayua?

1. ¿Sakayuaburu dachirã jipa duanaɗayua?

Dachirã jipa nureeɗe waabenarã baara, Jeowamaa unubi panuu dachia ichi kʉ̃ria ira nuree mauɗe respeta paneebadau. Kʉ̃risias Jeowaba joma kuitaa kuɓua dachia kʉ̃risia kopanuu mauɗe dachia ase kopanuu siɗa (Hebreos 4:13). Dachirã jipa nurea panuubʉrã, jãu ichia ochia ɓuu mauɗe ãrĩãdu bustabaria. Ichi Beɗeaɗe naka a ɓuu: “Jeowaba iadaa ẽbẽrarã ãyaa ase duanabarii, maamina jʉ̃kaa nibabarii chi ẽbẽrarã jipa nureerã ome” (Proverbios 3:32).

2. ¿Saka unubiɗai ɓua dachirã jipa nureerã?

Jeowaba busta ɓuu aseɗai baita, dachia “chi biawãrabenadu jarabaraaɗai waabenarãmaa” (Zacarías 8:16, 17). ¿Saka ase panua mau? Setaa jaraɗapeɗa mauɗe ãyaa jaraɗakau deɗabenarãmaa, dachi baara traja duanuumaa, ãbachekerã konkrekasionɗebenarãmaa mauɗe autoridadmaa biɗa. Ẽbẽrarã jipa nureerã setaa jaraɗaabapeɗa orroaɗakaa (Proverbios 24:28 mauɗe Efesios 4:28 leas). Mauɗe kobiernomaa chi nejarra paabadaa (Romanos 13:5-7). “Jomaurãɗe dachirã jipa nuree” kʉ̃ria duanua (Hebreos 13:18).

3. ¿Sakayua biʼia ãrĩã ɓua dachirã jipa nureaɗayu?

Ẽbẽrarãba kuitaabudauɗe dachirã jipa nureerã, ãchia kereabadau dachiɗe. Maubapeɗa, konkrekasionɗe jomaurã biʼia ãrĩãdu aka ɓeebadau mauɗe biʼia duanua deɗabena kĩra. Maabea biʼia sentibadaa ariɗe ase panuu kakua. Dachirã jipa nuree kakua, “Dachi Akõre, Karebakuabarii ʉ̃rʉbena jaradeɗeka panuu” aude mipitaa ɓeebaria, mauba aiɗayua waabenarã siɗa Jeowa baita trajaɗayua (Tito 2:10).

AUDE KAWABA

4. Jeowaba kʉ̃ria nii chi ẽbẽrarã jipa nuree

Salmo 44:21 mauɗe Malaquías 3:16 leaɗapeɗa, mambea nau ʉ̃rʉbena beɗeasturu:

• ¿Biʼia ɓue setaa jarabudauɗe? ¿Sakayua maka kʉ̃risia ɓua?

• Dachia chi ariɗe ɓuudu jaraɗabʉrã, fácil ɓuuwẽe adua, ¿saka sentibarama Jeowa?

5. Jipaburu paneeɗayua

BIDEO: ¿Kãareba aiɗaɗai ɓua dachi kĩrajʉʉ nureaɗai baita? Dachi kʉ̃risiaɗe jipa nibaɗai baita (2:32)

Hebreos 13:18 leaɗapeɗa, mambea beɗeasturu machi saka kĩra jipa ãdaɗai baita...

• ... chi deɗabenarã ome.

• ... trajoɗe eɗa mauɗe escuelaɗe biɗa.

• ... diwarauɗe biɗa.

6. Dachi jipa ãda panuubʉrã dachirã baita biʼia ɓuu

Ɓesesɗe dachi jipa ãda duanumina problema baraa ɓoabarii, maka ɓumina naka ase panuubʉrã biʼia ãrĩã ɓooi. Salmo 34:12-16 leaɗapeɗa, mambea nau ʉ̃rʉbena beɗeasturu:

• Dachi kĩra jipa ãda duanuurã, ¿sakayua mau biʼia ãrĩã ɓua dachirã baita?

1. Chi mukĩra chi wẽra baara jipa niɗaubʉrã, ãchi chiya ãrĩã kʉ̃ria paneeɗai.

2. Chi traja nureerã jipa duanuubʉrã, chi chibariba ãchiɗe kerea koɓeeyua.

3. Ẽbẽrarã jipa nureebʉrã, biʼia paneebadaa autoridad kĩrapeta.

NAU KAWASIƊAA

Jeowaba kʉ̃ria ɓuu ichi amikorã jipa nureaɗayua joma ãchia aseɗapeɗa mauɗe jarabudauɗe.

Waya berreaɗaika

• ¿Kãareɗe dachirã jipa duanaɗaiba?

• ¿Biʼia ɓue setaa jarabudauɗe?

• ¿Sakayua bichia kʉ̃risia ɓua waaburu jipa nibai?

NAU OCHIAS MAUCHABURU KAWAYUA

¿Saka jaradeɗekaɗai ɓua akõrerãba chi warrarã jipa nureaɗayua?

Waaburu chi biawãrabena jara nibayua (1:44)

¿Kãare biʼia ɓee adauɗaiba chi joma biawãrabena jara kirureerãba?

Aseba bichia asei aɗa baɗa, mauɗe ne biʼia adauruu (9:09)

Kʉ̃risias waaburu dachia kobiernomaa chi nejarra paabadaa bariara jãu biʼia adauwẽmina.

“¿Bichia kobiernomaa chi nejarra paayue?” (Chi Kartaba, 1 septiembreɗe 2011ɗebena)

¿Kãareba aiɗa basaa ẽbẽraba naeɗe setaa jarapeɗa orroa nibasii maabea ichi aude biʼia nibaɗe wãyua?

“Mʉa kawasia Jeowa bia nii maabea dachirã waaburu perdona ua nia” (Chi Kartaba, 1 mayoɗe 2015ɗebena)

2. ¿Jeowaba kʉ̃ria ɓue bichia barikiau amiko jʉrʉi baita?

Jeowaba jʉrʉbarii chi amikorã biʼiaurãdu. “Ichi ara kaita ɓoobarii ichi ome jipa waa nuree” (Proverbios 3:​32). ¿Jeowaba saka kʉ̃risiabaraa chi ichi ʉ̃rʉbena kʉ̃ria nureewẽe ome meraa duaneesirã? ¡Ichi ãrĩã aburri koɓeei ɓua! (Santiago 4:4 leas). Maka ɓumina, dachia ida kuɓuusiɗarã amiko miadaa nuree, maabea ichi ome ara kaita kopaneeɗai mauɗe ichi kʉ̃riabadau ome biɗa meraa panuubʉrã, ichi ãrĩã kĩrajʉʉ koɓeei ɓua mauɗe ichi amiko nibai ɓua dachirã ome (Salmo 15:​1-4).