Jeowaba ichi Kobiernoɗeeba iujãaɗe ẽbẽrarã ãrĩã supri duanuu akabaiɗea ira ɓua. ¡¿Sakayua nebʉrʉɗaabaima dachia ẽbẽrarãmaa nau beɗea biarãɗebena?! Jesusba kʉ̃ria ɓoosii ichi kaaɗe ãda nureerãba nau beɗea jaraɗayua iujãa jomauɗe (Mateo 28:19, 20). ¿Kãare ase duanua Jeowa ɗebena Jaranũrẽba Jesusba jaraɗa aseɗayua?

1. ¿Iɗi saka kumplimaa ɓua Mateo 24:14?

Jesusba naka jarasia: “Chi beɗea biarã Kobierno ʉ̃rʉbena iujãa jomauɗe jaradea panaɗayua” (Mateo 24:14). Jeowa ɗebena Jaranũrẽba ãrĩã bustabadau nau biʼia kiruu ʉ̃rʉbena jaraɗayu. Jaradeabadau nau beɗea biaɗebena 1.000 waa idiomarãɗe joma nau iujãaɗe. Nau trajo mechia ãrĩã ɓuu bẽrã, orden iɗaaburu aseyua mauɗe ãrĩã bereka jaradeɗekaɗayua. Jeowaba aiɗawẽe basirã, naarã poyaa aseebai ɓoosia.

2. ¿Kãare asebadaa ẽbẽrarãmaa jaradeɗekaɗai baita?

Ẽbẽrarã baraumaa jaradeɗekabadaa. Chi cristianorã nabẽrarãba asepeɗaaɗa kĩra, dai siɗa “decha” wãbadaa (Hechos 5:42). Ara jãka ordenɗe duanuu bẽrã, ãrĩãdu jaraɗai ɓua ẽbẽrarãmaa añocha. Maamina, ɓesesɗe ẽbẽrarã deeɗaa duanaɗakaa bẽrã, mauɗeeba jaradeɗekabadau ẽbẽrarã ãrĩã imibadaumaa biɗa. Dairãbara ochia kopanua ẽbẽrarãmaa Jeowa ʉ̃rʉbena jaraɗai baitaburu mauɗe ichia asei jara ɓuu ʉ̃rʉbena.

3. ¿Kairãba chi beɗea biarãɗebena jarabaraaɗaiba?

Chi cristianorã ariɗe nureerãba chi beɗea biarã jarabaraaɗai. Nau trajo dairã baita bariarãwẽe ɓuu. Daiba bereka jaradeɗekabadaa dai juaɗeeba, daiba kuitaa panua ẽbẽrarãba ũriɗawẽebʉrã ãchi kiniɗai ɓuu (1 Timoteo 4:16 leas). Nau trajo ase panuuɗeeba daimaa paaɗakaa, Bibliaba jara ɓuuɗeeba: “Bari deasiɗau bẽrã, bari deábaɗa” (Mateo 10:7, 8). Bariara jomaurãba ũriɗakamina, waaburu jaradeɗeka panua, jãkaburu daiba Jeowa kʉ̃ria iniɗau unubi panua mauɗe ichi kĩrajʉʉ ɓoayua.

AUDE KAWABA

4. Dairã bereka duanua joma ẽbẽrarãmaa neeɗai baita

BIDEO: Dairãba jaradeɗeka panua “drua kaitawẽe ãrĩã ɓeeɗe biɗa” (7:33)

• ¿Kãare aude busta baraa Jeowa ɗebena Jaranũrẽrãba ase panuu jaradeɗekaɗai baita?

Mateo 22:39 mauɗe Romanos 10:13-15 leaɗapeɗa, mambea nau ʉ̃rʉbena beɗeasturu:

• ¿Saka unubi panaa waabenarãmaa ãchi kʉ̃ria ãrĩã ira nuree jaradeabudauba?

• ¿Jeowaba saka unubaraa chi beɗea biarã jaradea duanuurã? (Versículo 15 ochiábaɗa).

5. Dachi Akõre ome traja panua

Jeowaburu ua kuɓua jaradeaɗe wãburuuɗe. Ochiaɗaika kãare pasasii puuru Nueva Zelanda abadauɗe. Kewaraa, Jeowa ɗebena Jara nibabarii Paul abadau, decha jaradeaɗe wãsiiɗe, ichia wẽra unusia. Ara mau diaɗe dapeɗeeɗa, chi jãu wẽraba ʉtaa wiɗiɗa basia Dachi Akõremaa ichi trʉ̃ Jeowaɗeeba, ichia wiɗiɗa basia junebenaba ũkuru ichi ʉ̃rʉbena kawabiyua. Paulba naka a ɓua: “Tres hora baɗakare mʉ aria koɓoosia ichi poroa toka ɓuu”.

1 Corintios 3:9 leaɗapeɗa, mambea nau ʉ̃rʉbena beɗeasturu:

• ¿Saka unubi ɓua jãu wẽramaa pasasiiba Jeowaburu chi jaradeɗeka duanuu uaɗo ɓuu?

Hechos 1:8 leaɗapeɗa, mambea nau ʉ̃rʉbena beɗeasturu:

• ¿Sakayua dachirãba nesita panua Jeowaba aiɗayua jaradeabudauɗe?

¿Bichia kuitaa ɓoosee?

Reunión semanachaɗebenaɗe ũkuru kawabi panua waarãmaa jaradeai baita. Bichi naarãɗebena reuniorãɗaa wã ɓuubʉrã, ¿saka unu ɓua bichia daimaa kawabi panuu waabenarãmaa jaradeaɗai baita?

6. Daiba kauwa ũri duanua Dachi Akõre waarãmaa kawabibudauɗe

Nabẽraeɗeeɗa, chi Jesús kaaɗe ãda nureabadaurã iadaa nureerãba berekasiɗaa jaradeɗekabiɗaamaaba. Naarã cristianorã nabena ãchia defendesiɗaa chi derecho jaradeɗekaɗai baita, ãchi “wãsiɗau juezrã kĩrapeta ãchimaa ida jaradeɗekabiɗayua” (Filipenses 1:7). Iɗibea, Jeowa ɗebena Jaranũrẽrãba ara jãka ase duanua.a

BIDEO: Dairã wãbadaa juezrã kĩrapeta daimaa ida jaradeɗekabiɗayua (2:28)

Hechos 5:​27-42 leaɗapeɗa, mambea nau ʉ̃rʉbena beɗeasturu:

• ¿Sakayua ida ɓueɗaabaiba jaradea panuu? (Versiculorã 29, 38 mauɗe 39 ochiábaɗa).

NAU KAWASIƊAA

Jesusba ichi kaaɗe ãda nureabadaurã bʉekasia iujãa jomauɗe jaradeaɗayua. Jeowaba aiɗamaa ɓua ichi baita traja duanuurã jaradeɗekaɗayua.

Waya berreaɗaika

• ¿Kãare ase duanaa joma iujãaɗe beɗea biarã ʉ̃rʉbena jaradeɗekai baita?

• ¿Saka unubi panaa waabenarãmaa ãchi kʉ̃ria ãrĩã ira nuree jaradeabudauba?

• ¿Bichia kʉ̃risia ɓue waabenarãmaa jaradeɗekaaruuba dachi kĩrajʉʉbii ɓuu? ¿Sakayua?

NAU OCHIAS MAUCHABURU KAWAYUA

Ochias saka jaradea panuu Jeowa ɗebena Jaranũrẽrãba puuru choromarãɗe.

Parisɗe ẽbẽrarã ãrĩã unubadaumaa chi carro kartarã deɗekabariiɗeeba jaradeabadaa (5:11)

¿Saka asesiɗaa Jeowa ɗebena Jaranũrẽba jaradeɗekaɗai baita chi ãchi druaɗebena wãuripeɗaaɗa baɗa?

Dachi Akõre ʉ̃rʉbena jaradeɗeka panua chi ãchi druaɗebena wãuripeɗaaɗa baɗamaa (5:59)

Ũris saka wẽra niiba Dachi Akõre ʉ̃rʉbena jaradea ɓuuba kĩrajʉʉ nii.

Mʉ puuru choromacha wãɗa basia jaradeɗekai baita (6:29)

Ochias saka Jeowa ɗebena Jaranũrẽrã kobernador kĩrapeta wã panuu ãchimaa ida jaradeɗekabiɗayua.

“Chi Dachi Akõre Kobierno ʉ̃rʉbena jaradea nureerã juezrã kĩrapeta wãusiɗaa” (El Reino de Dios ya está gobernando, capítulo 13)

Jesusba kawabiasii dachi cristiano bayua bautizabaraaɗai (Mateo 28:​19, 20 leas). ¿Mau kãareba bautizaburuu? ¿Mauɗe kãare aseiba chi ẽbẽra mau aseyua?

1. ¿Mau kãareba bautizaburuu?

Chi beɗea griegoɗe bautizaburuu naka jara kʉ̃ria ɓua “taa kuɓuburuu”, maebʉrã baniaɗe eɗa taa kuɓuburuu. Jesús bautizasiiɗe, Juanba ichi do Jordán abadauɗe eɗa taa koɓooɗa baɗa, maabea “baniaɗebena awara neeɗaa” (Marcos 1:9, 10). Chi cristianorã ariɗe nureerã bautizabudauɗe, maarã siɗa baniaɗe joma taa kuɓubadaa.

2. Chi ẽbẽra aɓa bautizaburuuɗe, ¿kãare unubi ɓua?

Aɓa bautizaburuuɗe, jãuba unubi ɓuu Jeowa ome akawa compromete ɓuu apii nibai baita. ¿Mau kãare aseiba chi Jeowa ome comprometei baita? Ʉtaa wiɗibaraai du aɓa aka ɓeepeɗa Dachi Akõremaa jarayua dachi apiiburu ichi baare traja koɓeei baita. Mau asebaria bautizai naeɗe. Jãka ʉtaa wiɗiburuuɗe, ẽbẽra akawa compromete ɓuu Jeowadu kʉ̃riapeɗa ũriyu mauɗe chi biʼia ãrĩã ɓuu ichi baita aseyu Dachi Akõreba kʉ̃ria ɓuudu. Maabea, ara Jesús kĩraka nibayua maabea ũri nibayu chi ichia jaraɗa kĩra, jãuba naka asia: “Aɓa mʉ baara nibai kʉ̃ria ɓuubʉrã, mauba wau kʉ̃ria ɓuu, ida ɓupeɗa [...] maabea mʉ baara wãi ɓuu” (Mateo 16:24). Comprometepeɗa maabea bautizaburuuɗe, chi ẽbẽra Jeowa ara kaita koɓee ɓua mauɗe ichi kʉ̃ria nureerã ome biɗa.

3. ¿Kãare aseyuba dachi bautizayua?

Bichi bautiza kʉ̃ria ɓuubʉrã, naa kawabaraai Jeowaɗebenadu maabea dachi fe waribiyua ichiɗeburu (Hebreos 11:6 leas). Bichi fe aude wariburuubʉrã mauɗe aude kawaburuubʉrã, maabea mauba Jeowa aude kʉ̃riayua. Jãuburu bichi waabenarãmaa jaradeɗeka kʉ̃ria nibabi ɓua maabea bichi siɗa jari Bibliaba jara ɓuu kĩraka nibaɗe wãyua (2 Timoteo 4:2; 1 Juan 5:3). Chi ẽbẽra jipa nibaɗe wãburuubʉrã “chi Jeowaba kʉ̃ria ɓuu kĩra”, kauwa kʉ̃risiapeɗa Dachi Akõre baare comprometepeɗa maabea bautizayua (Colosenses 1:​9, 10).a

AUDE KAWABA

4. Kãare kawabi ɓua Jesús bautizaɗaba

Waaburu kawayua chi Jesús bautizaɗaɗebena, Mateo 3:13-17 leábaɗa. Mambea nau ʉ̃rʉbena beɗeasturu:

• ¿Jesús wãwa cheke ɓoosee, ichi bautizasiiɗe?

• ¿Ʉ̃rʉburu bania ɓiɗĩikaburu boro eatapeɗaaɗae? Makarã, ¿saka bautizaɗaba?

Jesús bautizasiiɗe, ichi trajo biʼia ɓuudu aseɗabachia chi Dachi Akõreba jaraɗaɗe. Lucas 3:21-23 mauɗe Juan 6:38 leaɗapeɗa, mambea nau ʉ̃rʉbena beɗeasturu:

• Ichi bautizaɗakare, ¿sãu basaa chi trajo biʼia ãrĩã ɓoosii Jesús baita?

5. Dachi bautizaɗai ɓuma

Naeɗera perabaria Jeowa ome comprometepeɗa bautizayu. Maamina, bichi waaburu kawa koɓeeruubʉrã Jeowaɗebena, bichi audeburu chaarea nibayu sentipeɗa aseyua jãu biʼia ãrĩã ɓuu. Chi nuree ẽbẽrarã saka waupeɗaaɗa baɗa kawayua, BIDEO ochiábaɗa.

BIDEO: Bichi Jeowa kaita aude ɓooyua (1:11)

Juan 17:3 mauɗe Santiago 1:5 leaɗapeɗa, mambea nau ʉ̃rʉbena beɗeasturu:

• ¿Kãare asei ɓua chi ẽbẽra ariɗe koɓooyua bautizai baita?

1. Dachi Jeowa omeburu nibayu comprometebudauɗe jarabadaa dachi waaburu traja kʉ̃ria nii ichi ome.

2. Dachi bautizabudauba, unubi panua waabenarãmaa dachi comprometesiɗau Dachi Akõre ome.

6. Bautizaɗakare, dachi Jeowa puuruɗe babaria

Bautizaɗakare, dachi Jeowa puuruɗe babaria, jãu puuru ãbua duanapeɗa nau iujãa jomauɗe kuɓua. Bariara june ãyaa neeburuu adua, makawẽebʉrã june ẽbẽra ãyaa nii adua, kerea duanua ara aɓa ɓuudu maabea wau duanuu ara jari chi Bibliaɗe jara kuɓuu kĩra. Salmo 25:14 mauɗe 1 Pedro 2:17 leaɗapeɗa, mambea nau ʉ̃rʉbena beɗeasturu:

• Cha naarã versiculorãɗe jara ɓee kĩra, ¿sakayua biʼia ɓua bautizaɗayu?

NAU KAWASIƊAA

Jesusba jaraɗa baɗa dachi cristiano bayua bautizabaraaɗai. Mauɗe, jãu aseyua, dachi fe chaarea waaburu waribipeɗa Jeowaɗe, chi Bibliaba jara ɓuu aseyua maabea dachi comprometeɗai apii ichi ome nibai baita.

Waya berreaɗaika

• ¿Mau kãareba bautizaburuu, mauɗe sakayua biʼia ãrĩã ɓuu?

• ¿Sakayua Jeowa ome comprometebaraaɗaiba ichi baare nibayu bautizai naeɗe?

• ¿Kãare naa aseiba ẽbẽra aɓa niiba Jeowa ome comprometepeɗa maabea bautizayua?

NAU OCHIAS MAUCHABURU KAWAYUA

Kawase chi ɓee ãyaa jaradea kuɓuu bautizayuɗebena mauɗe mau kãareba.

“¿Kãareba mau bautizaburuu?” (Artículo jw.org ɗebena)

Ochiáse kãare asei ɓua bautizai baita.

“Jeowa kʉ̃riapeɗa mauɗe ichimaa ara kiruma aburuuba bautizai baita odoe ɓua” (Chi Kartaba, marzo 2020ɗebena)

Ochiáse sakayua mukĩra aɓa nii biʼia kʉ̃risiapeɗa bautizaɗaba.

“Ãchia kʉ̃ria panasii ara mʉchia kawayua chi biawãrabena ɓuu” (Chi Kartaba, 1 febreroɗe 2013ɗebena)

Ochiáse sakayua biʼia ɓuu bautizayu mauɗe bichi kãare aseyu bautizayu naeɗe.

“¿Mʉ bautiza ɓubaaka ara nauɗe?” (Chi kũudrãarã awẽrarã omeba wiɗi panuu. Chi panau ɓee [Libro 2], capítulo 37)