¿Sakayua dachi politicaɗe mauɗe guerraɗe nibaɗakau?

Jesusba kawabiaɗa baɗa ichi kaaɗe ãda nureerã “nau iujãaɗebenawẽe” (Juan 15:19). Mauba jara kʉ̃ria ɓuu, ãchi politicaɗe mauɗe guerraɗe nau iujãaɗe nibaɗaabayua. Maka ɓumina fácil ɓuuwẽe mau aseyua. Dachi ʉ̃rʉbena siɗa atua jaraɗai ɓua mau kakua. ¿Saka dachi politicaɗe mauɗe guerraɗe nibaɗaabayua Jeowa ome jipaburu nibai baita?

1. ¿Kãare kʉ̃risia panaa chi cristianorã ariɗe nureerãba kobierno ẽbẽrarãɗebena?

Chi cristianorãba respeta nurea chi kobiernorã. Jesusba jaraɗa baɗa: “Pásturu Cesarmaa chi Cesarɗe”. Jãuɗeeba dachirãba chi ley kobiernorãɗe jarabadau kĩra asebadaa paaɗayua chi ãchia wiɗi panuu (Marcos 12:17). Chi Bibliaba jaradea ɓuu, chi kobiernorã ẽbẽrarãɗe kobernamaa ɓuu, Jeowaba idaarabi ɓuuɗeeba (Romanos 13:1). Mauɗeeba dachia kʉ̃risiabadaa chi autoridad naarã kobiernorãɗe aude nureewẽe, Dachi Akõredu aude ɓuu. Dachirãba ariɗe kʉ̃risia duanuu Dachi Akõre ichi Kobierno ʉtʉbenaɗeeba joma problema ẽbẽrarãɗe solucionayua.

2. ¿Saka unubi panua dachi politicaɗe mauɗe guerraɗe nibaɗakau?

Jesús kĩraka, dachirã politicaɗe nureaɗakaa. Ẽbẽrarãba milagro Jesusba asesii unusiɗauɗe, ichi rey nau iujãaɗe babii baita kʉ̃riasiɗaa, ichiara idaarabiibasii (Juan 6:15). ¿Sakayua? Mau kaaɗe ara ichia jaraɗa baɗa: “Mʉ Kobierno cha nau iujãaɗebenawẽe” (Juan 18:36). Dachi Jesús kaaɗe ãda nureerã bẽrã, guerraɗaa wãuriɗakau (Miqueas 4:3 leas). Bariara dachirãba respeta nuremina chi bandera, mau kʉ̃riaɗakau Dachi Akõre kʉ̃riabadau kĩra (1 Juan 5:21). Dachi partido politicoɗebena nibaɗawẽe mauɗe atua jaraɗawẽe nauɗebena ni candidato aɓa ɓuu ʉ̃rʉbena biɗa. Nau aseeduuba unubi panuu dachi jipa duanuu Dachi Akõre Kobierno omeburu, jãu kobierno ichia kuɓusii bẽrã.

AUDE KAWABA

3. Chi cristianorã ariɗe nureerã politicaɗe mauɗe guerraɗe nibaɗakau

Jesús ichi kaaɗe ãda nureerã omeeba biʼia asesiɗau. Romanos 13:1, 5-7 mauɗe 1 Pedro 2:13, 14 leábaɗa. BIDEO ochiaɗapeɗa, mambea nau ʉ̃rʉbena beɗeasturu:

BIDEO: Chi cristianorã ariɗe nureerã politicaɗe mauɗe guerraɗe nibaɗakau (parte 1) (4:28)

• ¿Sakayua dachia chi autoridad respetaɗayuba?

• ¿Saka dachirãba unubibadaa respeta panuu chi autoridad?

Guerra asebadauɗe, chi nuree puururãba jara panuu nau guerraɗe nureaɗakaa, maka ɓumina chi peliabadaurã aiɗabadaa. ¿Jãarãba ariɗe ase panue? Juan 17:16 leábaɗa. BIDEO ochiaɗapeɗa, mambea nau ʉ̃rʉbena beɗeasturu:

BIDEO: Chi cristianorã ariɗe nureerã politicaɗe mauɗe guerraɗe nibaɗakau (parte 2) (3:11)

• ¿Saka politicaɗe mauɗe guerraɗe nibaɗaabayua?

Ɓesesɗe chi nuree kobiernorãba obligabadau ẽbẽrarãmaa chi Dachi Akõreba bustaka ɓuu aseyua. ¿Kãare aseɗaiba jãka pasaaruuɗe? Hechos 5:28, 29 leábaɗa. BIDEO ochiaɗapeɗa, mambea nau ʉ̃rʉbena beɗeasturu:

BIDEO: Chi cristianorã ariɗe nureerã politicaɗe mauɗe guerraɗe nibaɗakau (parte 3) (1:18)

• Chi ley ẽbẽraɗebenaba Dachi Akõreba bustaka ɓuu asei jara ɓuubʉrã, ¿kaidu ũri nibayua?

• ¿Kʉ̃risiai ɓue sakayua chi cristianorãba chi autoridad nureerãba jarabadaa ũriɗaabayua?

4. Politicaɗe mauɗe guerraɗe nibarã́ba chi bichia kʉ̃risiapeɗa aseeruuba

1 Juan 5:21 leábaɗa. BIDEO ochiaɗapeɗa, mambea nau ʉ̃rʉbena beɗeasturu:

BIDEO: Sakayua Jeowa ɗebena jaranũrẽ kĩra uɓua nureaɗai: Politikaɗe eɗa wãɗaamaba (2:49)

• ¿Sakayua Ayenge politicaɗe eɗaa niba kʉ̃riaabasaa, mauɗe reuniorã bandera saluabudauɗe wãwẽa koɓeesaa?

• ¿Bichia kʉ̃risia ɓue ichia biʼia asesii?

¿Kãare maucha pasai ɓua dachirã politicaɗe mauɗe guerraɗe nureewẽe unubiɗai baita? BIDEO ochiaɗapeɗa, mambea nau ʉ̃rʉbena beɗeasturu:

BIDEO: Chi kawamaa ɓuu “Chi Kartabaɗebena”: Politicaɗe mauɗe guerraɗe nibaɗaabayua (5:16)

• ¿Kãare aseɗaabaiba diwara puururãɗebena jemeneɗe wãbudauɗe?

• ¿Saka politicaɗe nureaɗaabaiba bariara chi ãchia asebadau biʼia ɓuu maebʉrã miadaa ɓumina dachirã baita?

• Chi dachia unu panuu noticiaɗe mauɗe chi waabenarã dachi jʉ̃kaa duanuurãba jara panuu, ¿maarãba saka dachi ãi kʉ̃risiabi ɓuu política mauɗe guerraɗebena?

NAU KAWASIƊAA

Chi cristianorã ariɗe nureerã bereka panuu politicaɗe nibaɗaabayua, mauba unubibadaa chi ãchia kʉ̃risiaɗapeɗa, jaraɗapeɗa mauɗe ase duanuu.

Waya berreaɗaika

• ¿Kãare aseɗayuba dachirã chi kobierno ẽbẽrarã ome?

• ¿Sakayua dachi politicaɗe nibaɗakau?

• ¿Kãare maucha pasai ɓua dachirã politicaɗe mauɗe guerraɗe nureewẽe unubiɗai baita?

NAU OCHIAS MAUCHABURU KAWAYUA

¿Kãare ida ɓuɗaiba politicaɗe mauɗe guerraɗe nibaɗaabayua?

Jeowaba dachi akawa ɓuibayua (3:14)

¿Kãare chi deɗabenarãba naa aseɗai ɓuu politicaɗe mauɗe guerraɗe nibaɗaamaaba?

Chi reunión ẽbẽrarãba asebudauɗe politicaɗe mauɗe guerraɗe nibaɗaabayua (4:25)

Chi nuree ẽbẽrarã baita, ãchi puuru defendeyu aude biʼia ɓua, ¿maamina mau ariɗe ɓue?

“Dachi Akõreba joma asei ɓua” (5:19)

¿Saka unubi panaa dachia aseɗakaa ẽbẽrarãba nau iujãaɗebena kĩra trajo jʉrʉburuuɗe?

“Dachi aɓaaɓaa kauwa kʉ̃risiabaraaɗai chi aseeruuɗebena” (Chi Kartaba, 15 marzoɗe 2006ɗebena)

Joma cristianorã dachi kaaɗe wãuriɗayua beɗeabiɗaamaaba Jeowa ʉ̃rʉbena. ¿Jãu kakua peraɗayue?

1. ¿Sakayua kuitaa panaa dachi kaaɗe jʉrʉɗe wãuribudau beɗeabiɗaamaaba?

Bibliaba jara ɓua “chi jomaurã Dachi Akõre respetaɗapeɗa Cristo Jesús ome ãbua nurea kʉ̃ria panuu maarã siɗa kaaɗe jʉrʉkuabudaa” (2 Timoteo 3:12). Jesús kaaɗe jʉrʉpeɗaaɗa basia ichira Satanás iujãaɗebenawẽe bẽrã. Dachis mauɗebenawẽe bẽrã, kuitaa panua mauɗeeba gobiernorã mauɗe chi organización religionɗebenarã nau iujãaɗebenaba dachirã kaaɗe jʉrʉ bara ɓeeɗai (Juan 15:18, 19).

2. ¿Kãare aseɗaiba dachirã kaaɗe jʉrʉ bara ɓeei naeɗe?

Ãrĩãdu kereaɗayua Jeowaɗe nakaeɗeeɗa. ¿Maabea mau saka asebaraa? Tiempo sacaburuu noremaacha dachirã ʉtaa wiɗiɗapeɗa mauɗe ichi Beɗea leaburuuba. Maubapeɗa, chi reunión konkrekasionɗebenaɗaa wãburuuba. Nauburu bichi chaareabiyua kĩra ʉɓʉa ɓooyua bichi kaaɗe jʉrʉbudauɗe, bariara deɗabenarãba bustaɗawẽe adua. Chi apóstol Pablo, kapichia ichi jʉrʉ panasiiba, ɓʉɗa basia: “Jeowaburu mʉ kareba ɓua. Mʉ nejasiawẽa” (Hebreos 13:6).

Dachirã kĩra ʉɓʉa duanai baita waabenarãmaa ara kapichia jaradeaɗayua. Dachia jaradeɗekabudauɗe, ãrĩã kerea panua Jeowaɗe, maabea chi dachia ẽbẽrarã wawea duanaɗa baɗa ɓui panua (Proverbios 29:25). Bichi nakaeɗeeɗa kĩra ʉɓʉarã, ariɗe aka noɓeeyua maabea waaburu jaradeɗekayua bariara chi gobiernoba dachirãmaa jaradeɗekaɗai baita idaarabiwẽe adua (1 Tesalonicenses 2:2).

3. ¿Ariɗe ɓue dachia choroa panaɗayu dachi kaaɗe jʉrʉ duanuuɗe?

Dachiara bustaɗakaa dachi kaaɗe jʉrʉ panaɗai. Madu, dachi kaaɗe jʉrʉ duanuu choroapeɗaaɗakare, dachi fe aude chaarea ɓeebaria. Mauɗe dachi Jeowa kaita ãrĩãdu sentibadaa, dachia unu panuu bẽrã ichia dachirã aiɗa ɓuu, dachi du aɓauba waaburu kãribaɗe wãɗayu poyaa unuɗawẽeɗe (Santiago 1:2-4 leas). Jeowa ãrĩãdu nomaa sentibarii dachi supri duanuu unuburuuba, madu ichi ãrĩãdu kĩrajʉʉbaria dachirãba ichi ɓuiɗawẽeɗe. Bibliaba jara ɓua: “Machirã supri duanuu choroa panuubʉrã ne bia ase ɓuu kakua, jãu Dachi Akõreba ãrĩãdu kʉ̃riabaria” (1 Pedro 2:20). Jomaurã choroa duaneebudau Jeowa ɓuiɗawẽa, ichia waaburu nibabiayua biuwẽa, iujãa jomaurãba Jeowadu kʉ̃riaɗapeɗa ũribudauɗe (Mateo 24:13).

AUDE KAWABA

4. Bʉ deɗabenarãba Jeowa ʉ̃rʉbena bustaɗawẽmina, bʉa choroai ɓua

Jesusba jaraɗa basia chi nuree dachi deɗabenarãba bustaɗaabai dachia Jeowadu kʉ̃riaɗapeɗa ũri panuu kakua. Mateo 10:34-36 leaɗapeɗa, mambea nau ʉ̃rʉbena beɗeasturu:

• ¿Saka kʉ̃risiabadaa chi deɗabenarãba ẽbẽraba Jeowa baita trajai kʉ̃risiaruuɗe?

BIDEO: Jeowaba dachirã ochia ua ɓua (5:13)

• ¿Kãare asei ɓua deɗabena o amiko niiba bereka ɓuubʉrã bichia Jeowa ɓuibiyua?

Salmo 27:10 mauɗe Marcos 10:29, 30 leábaɗa. Textorã aɓaaɓaa leaɗakaɗe, nau ʉ̃rʉbena beɗeasturu:

• ¿Saka aiɗai ɓua naarã beɗearãba bichi deɗabenarã maebʉrã amikorãba Jeowa ʉ̃rʉbena jara nii bustaɗawẽa kakua?

5. Bariara bichi kaaɗe jʉrʉ panuu adua, Jeowa kʉ̃riapeɗa ũri nibabarii ida ɓuirã́ba

BIDEO: Kĩra ʉɓʉa nurea dachirã kaaɗe jʉrʉ duanuu kĩrapeta (6:27)

• ¿Bideoɗebena kãareba chaareabi ɓua kĩra ʉɓʉa nibai baita?

Hechos 5:27-29 mauɗe Hebreos 10:24, 25 leábaɗa. Textorã aɓaaɓaa leaɗakaɗe, nau ʉ̃rʉbena beɗeasturu:

• ¿Sakayua biʼia ãrĩãburu ɓua dachirã Jeowa baita traja duanaɗayu bariara gobiernorãba dachirãba jaradeɗekaɗapeɗa reunionɗaa wãɗayu idaarabiɗawẽe adua?

6. Jeowaba ũkuru choroabiyua

BIDEO: Jeowaba mʉ karr chaareabiyua (3:40)

• ¿Saka choroa duanaa ãchi kaaɗe jʉrʉ duanuu naarã Jeowa ɗebena Jaranũrẽrã?

Romanos 8:35 mauɗe 37-39, mauɗe Filipenses 4:13 siɗa leábaɗa. Textorã aɓaaɓaa leaɗakaɗe, nau ʉ̃rʉbena beɗeasturu:

• ¿Naarã textorãba saka aiɗa ɓua bichi ũkuru choroabiyua bariara ne kachirua uruburuu siɗa?

Mateo 5:10-12 leaɗapeɗa, mambea nau ʉ̃rʉbena beɗeasturu:

• ¿Sakayua bichi kĩrajʉʉ nibai ɓua bariara bichi kaaɗe jʉrʉ panuu adua?

NAU KAWASIƊAA

Jeowa kĩrajʉʉ ãrĩã aka ɓoobaria ichi kakua traja panuu unuuruuɗe, bariara dachi kaaɗe jʉrʉ panuu siɗa. ¡Ichia aiɗa kiruuɗeeba choroaɗai ɓua!

Waya berreaɗaika

• ¿Sakayua kuitaa panaa dachirã kaaɗe jʉrʉɗe wãuribudau ida jaradeabiɗaamaaba?

• ¿Kãare aseiba bichia nakaeɗeeɗa bichi kaaɗe jʉrʉ bara ɓeei naeɗe?

• ¿Sakayua bichia kuitaa ɓua waaburu traja ɓooi ɓuu bariara ne kachirua urubudau adua?

NAU OCHIAS MAUCHABURU KAWAYUA

Ochias saka Jeowaba aiɗa baɗa ãba kũudrãa nii ichi carcelɗaa bʉepeɗaaɗa baɗa ichi servicio militar paaɗe wãabaɗaa.

Choroaɗaika bariara dachi kaaɗe jʉrʉ duanuu adua (2:34)

Ochias Jeowa ome jipa traja duibachiɗau chi kimarã bariara año ãrĩãdu ãchi kaaɗe jʉrʉ panasii adua.

Jeowa baita traja panasii ne kachirua neesii adua (7:14)

Kawas saka bichia kĩra ʉɓʉa choroai ɓuu bichi kaaɗe jʉrʉbudauɗe.

“Dachi kaaɗe ĩpaaɗai naeɗe ida jarabiɗaamaaba dachia biʼia kʉ̃risiabaraaɗai” (Chi Kartaba, julio 2019ɗebena)

¿Kãareɗebena kawaɗaiba chi deɗabenaba bustaɗawẽebʉrã Jeowa kakua traja nii bare? ¿Saka dachi peliaɗawẽa duanaɗai mauɗe Jeowa ɓuiɗawẽa?

“Chi biawãra ɓuuba ‘paz uneekau, bari espadaduʼ” (Chi Kartaba, octubre 2017ɗebena)