• Kʉ̃risiaba biʼia aseyua
    Saka kĩrajʉʉ biuwẽa nibaiba Bibliaɗebena kawaniiba

    • 5. Chi waabenarãba kʉ̃risia duanuuɗebena, dachia respetabaraaɗai

      Dachi jomaurã diwara kiruree bẽrã, dachirã biɗa diwara kʉ̃risia duanuu. ¿Saka dachirãba respeto unubi duanaa chi waabenarãba aseɗai kʉ̃risia duanuu kakua? Ochiaɗaika ome panuuɗebena.

      Nau pasaburuuɗe 1: Nawekau niiba pantalón jʉ̃barii nii, maabea wãsii junebena puuruɗaa aria pantalón jʉ̃ɗakau.

      Romanos 15:1 mauɗe 1 Corintios 10:23, 24 leaɗapeɗa, mambea nau ʉ̃rʉbena beɗeasturu:

      • Naarã versiculorã leapeɗaaɗakare, ¿kãare saka kʉ̃risiai ɓua chi nawekauba? Bichia ase kʉ̃ria ɓuu maamina chi ẽbẽrarã bichi jʉ̃kaa duanuurãba jãu aseɗai bustaɗakauɗe, ¿kãare asei ɓua?

      Nau pasaburuuɗe 2: Ãba niiba kuitaa ɓua Bibliaɗeeba dachirã itua doɗai ɓuu maamina ɓiɗĩikaburu; makarã chi ãbaba kʉ̃risia koɓeesii jãabera itua akawara dowẽe bayu. Earaɓa, ãbua beɗeakuaɗayua jarasiɗaa, mauɗe ichia aria unu ɓuu ãbarã itua do kãrii panuu.

      Eclesiastés 7:16 mauɗe Romanos 14:1, 10 leaɗapeɗa, mambea nau ʉ̃rʉbena beɗeasturu:

      • Naarã versiculorãba jara ɓuuɗeebara, ¿kãare saka kʉ̃risiai ɓua chi ãbaba? Chi ẽbẽra niiba bichia bustakau aseeruu unuburuuɗe, ¿bichia kãare asei ɓua?

      ¿Kãare saka asebaraaɗai dachia kʉ̃risiaɗapeɗa biʼia aseɗai baita?

      Wẽraba ʉtaa wiɗimaa ɓuu.

      1. Jeowamaa wiɗis aiɗai baita kãare aseyu kuitaa (Santiago 1:5).

      Araɓau wẽraba jʉrʉmaa ɓuma Bibliaɗe, kartarã Bibliaɗebenaɗe mauɗe computadorɗe.

      2. Jʉrʉs Bibliaɗe mauɗe kartarã Bibliaɗebenaɗe kãare kʉ̃risia ɓua Dachi Akõreba dachi biʼia aseɗai baita. Mauɗe dawaraurã kuitaa ɓuurãmaa wiɗiɗai ɓua.

      Araɓau wẽraba kʉ̃risiamaa ɓuma.

      3. Kʉ̃risias bichia saka kʉ̃risia ɓeeruu mauɗe waabenarã biɗa saka kʉ̃risia kopaneebudau.